Keshe Prezıdent janyndaǵy Memlekettik basqarý akademııasynda Astana jáne Almaty qalalary men oblystyq ákimdikter apparattarynyń basshylary úshin «A» korpýsynyń ákimshilik memlekettik qyzmetshileriniń biliktiligin arttyrý semınary bastaldy.
Semınar úsh kúnge sozylady.
Keshe Prezıdent janyndaǵy Memlekettik basqarý akademııasynda Astana jáne Almaty qalalary men oblystyq ákimdikter apparattarynyń basshylary úshin «A» korpýsynyń ákimshilik memlekettik qyzmetshileriniń biliktiligin arttyrý semınary bastaldy.
Semınar úsh kúnge sozylady.Onyń maqsaty tyńdaýshylardyń jobalardy basqarý boıynsha quzyretterin damytý, memlekettik organdardaǵy ishki aýdıttiń negizgi aspektilerimen tanystyrý, kóshbasshylyq daǵdylardy jetildirý, qaqtyǵystaný salasyndaǵy bilimdi keńeıtý, sondaı-aq, áleýmettik qaqtyǵystardyń aldyn alý men sheshýge atsalysý bolyp tabylady.
Semınardyń ashylý rásiminde Prezıdent Ákimshiligi Basshysynyń orynbasary Ǵabıdolla Ábdirahymov, Memlekettik qyzmet isteri agenttiginiń tóraǵasy Álıhan Baımenov, Prezıdent janyndaǵy Memlekettik basqarý akademııasynyń rektory Bolatbek Ábdirasylov sóz alyp, jıynnyń maqsaty men mánin túsindirdi. Semınardyń baǵdarlamasy blok-modýl qaǵıdaty boıynsha qurastyrylǵan eken. Ony ázirleýge Eýropalyq Odaqtyń sarapshylary qatysqan.
Semınardyń birinshi kúni «Policy Advisory Group» sarapshylary ınteraktıvti trenıng ótkizdi. Onda jobalardy basqarýdaǵy basty daǵdylar naqty mysaldarmen kórsetildi.
Al búgin, ekinshi kúni álemdegi jetekshi mamandardyń biri - Shpaıer Akademııasynan doktor Djýlııa Fleısher (GFR) memlekettik organdarda ishki aýdıtti júrgizýdiń ádisnamasy men eýropalyq tájirıbesi týraly aıtyp beredi. Bizdiń elimizde qazirgi ýaqytta osy problema boıynsha normatıvtik quqyqtyq baza ázirlenip jatqanyn atap ótý kerek.
Qorytyndy kúni ENA-nyń tanymal sarapshysy (Fransııa Ulttyq memlekettik basqarý mektebi) Per Jevar áleýmettik shıelenisterdi basqarýǵa basty nazar aýdara otyryp, kóshbasshylyqty qalyptastyrý boıynsha trenıng ótkizedi. Bul sharanyń barysynda áleýmettik shıelenisterdiń aldyn alý men sheshý sharalary qarastyrylady dep kútilip otyr.
Serik PIRNAZAR,
«Egemen Qazaqstan».
