Elordada naqtylyǵy joǵary PTR-skrınıng arqyly halyqty koranavırýsqa tekseretin alǵashqy modýldik zerthana kesheni jumysyn bastady. Densaýlyq saqtaý mınıstrligi men Nur-Sultan qalasyna mobıldiligi men bıoqaýipsizdigi joǵary deńgeıi jáne zertteý prosessiniń avtomattanyrylýy arqyly erekshelenetin biregeı zerthanany Bolat О́temuratovtyń qory tapsyrdy. Qaıyrymdylyq qory medısınalyq zertteýler, zerthanalyq taldaýǵa arnalǵan jabdyqtar men materıaldar salasyndaǵy álemdik kóshbasshy sanalatyn BGI (QHR) kompanııasynan jalpy somasy 4 mln dollarǵa eki zerthana keshenin satyp aldy. Ekinshi keshen Almaty qalasyna ornatyla bastady.
Densaýlyq saqtaý mınıstri Eljan Birtanov, Nur-Sultan ákimi Altaı Kólginov, qaıyrymdylyq qorynyń quryltaıshysy Bolat О́temuratov jáne Qamqorshylar keńesiniń tóraǵasy Almaz Sharman búgin elordalyq zerthananyń jumysyn iske qosty.
«Bolat О́temuratov qory tapsyrǵan modýldi zerthana keshenderi koronavırýsqa tekserýdiń jyldamdyǵy men qamtýyn meılinshe kóbeıtedi. Qaıyrymdylyq qoryn ınfeksııamen kúrestiń alǵashqy kúninen bastap Densaýlyq saqtaý qoryna kórsetip otyrǵan qoldaýy men vırýstyń taralýyn shekteý úshin qosyp otyrǵan qomaqty úlesi úshin alǵys aıtqym keledi», – dedi Densaýlyq saqtaý mınıstri Eljan Birtanov.
