Naýqastar buryn juqtyrǵandarmen baılanysta bolǵan adamdarǵa skrınıng jasaý barysynda anyqtalǵan.
Pasıentterdiń basym kópshiligi, naqty aıtqanda 33 adam Qaraǵandy qalasynan. Beseýi – Temirtaýdan, tórteýi Saran qalasynyń turǵyny. Sondaı-aq, aýyrǵandar arasynda Buqar jyraý aýdanynan eki jáne Abaı aýdanynan tórt adam bar.
Dárigerler aýyrǵandardyń densaýlyq jaǵdaıynyń qanaǵattanarlyq ekenin aıtady. Aýrý oshaqtarynda dezınfeksııa júrgizilgen.
KVI dertinen qaıtys bolǵan naýqas týraly aıtar bolsaq, ol Qaraǵandynyń 62 jastaǵy turǵyny. Provızorlyq gospıtalǵa ystyǵy 38,7 gradýsqa deıin kóterilip, entigý, jótel, álsizdik jáne tábettiń, dám men ıis sezýdiń tómendeýine shaǵymdanǵandyqtan jatqyzylypty. Aýyr dárejedegi COVID-19 indetiniń belgisi rastalǵannan keıin jáne eki jaqty pnevmonııa anyqtalǵan soń, ınfeksııalyq aýrýhanaǵa aýystyrylǵan. Dárigerler koronavırýstyń naýqastyń boıynda aýyr asqynýlar, onyń ishinde tynys alý jáne polıorgan jetispeýshiligin týdyrǵanyn aıtady. Sondaı-aq, pasıentte aýyr dárejedegi II tıpti qant dıabeti, arterııalyq gıpertenzııa jáne basqa da qosalqy aýrýlar bolǵan eken. О́kinishke qaraı, dárigerlerdiń qoldanǵan emdeý áreketterine qaramastan, naýqasty qutqarý múmkin bolmady.
Sońǵy túsken málimetterge júginsek, Qaraǵandy oblysynda KVI juqtyrýdyń 1072 oqıǵasy tirkelgen. Onyń ishinde 379 adam indetti jeńip shyqsa, bes naýqas atalǵan aýrýdan kóz jumdy.
Qaraǵandy oblysy
