Aımaqtar • 05 Maýsym, 2020

Kásipkerlerdi nesıelendirýdiń jeńildetilgen mehanızmderi qalaı jumys isteýde?

29 ret kórsetildi

О́ńirlik kommýnıkasııalar qyzmetiniń alańynda Almaty qalasy «Damý»  kásipkerlikti damytý qory» AQ fılıalynyń dırektory Svetlana Nazarıýk kásipkerlik sýbektilerin jeńildikpen nesıeleý tetikteri  men sharttary týraly aıtyp berdi.

Qalyptasqan ekonomıkalyq jaǵdaı aıasynda Úkimet otandyq bıznes pen kásipkerlerdi qoldaý boıynsha daǵdarysqa qarsy sharalar qabyldady. Osyǵan baılanysty, Qor qazirgi ýaqytta kásipkerlerden jańa sharttarmen ótinimder qabyldaýdy júzege asyrady.

Qor negizgi 4 quraldy usynady. Bul - jeńildetilgen nesıe berý, syıaqy mólsherlemesin sýbsıdııalaý,  nesıelerge kepildik berý jáne jobalardy qarjylandyrýǵa deıin qoldaý (súıemeldeý).

Kásipkerlerdi kelesi nesıelendirý úshin bankter, mıkroqarjy uıymdary jáne lızıngtik kompanııalar arqyly kelesi jeńildetilgen nesıe berý baǵdarlamalaryn qor  júzege asyrady: Bulpar -  6% tómendetilgen nesıe mólsherlemesimen «Eńbek» ónimdi jumyspen qamtýdy jáne jappaı kásipkerlikti damytýdyń memlekettik baǵdarlamasy, óndiristik ónerkásipti qoldaý jáne áıelder kásipkerligin damytý baǵdarlamalary.

Sondaı-aq, buǵan 7% mólsherleme boıynsha qala ákimdigimen birlesken «Almaty Business-2025» aımaqtyq baǵdarlamasy da kiredi. Bul baǵdarlama respýblıkanyń ózge óńirleriniń arasynda barlyq óńirlik baǵdarlamalar boıynsha tómen mólsherlememen erekshelenedi.

«Bıznestiń Jol kartasy-2020» baǵdarlamasy aıasynda júzege asyrylatyn kásipkerlerdi qoldaýdyń daǵdarysqa qarsy sharalary arasynda nesıelerdi sýbsıdııalaý jáne kepildendirý tetikteri jeńildetildi.

«Bıznestiń Jol kartasy 2025» baǵdarlamasy qoljetimdi boldy. Ol Almaty qalasyndaǵy kásiporyndar úshin asa  mańyzdy. О́ıtkeni, olardyń 60% - y saýda jáne bıznes salasynda jumys isteıdi», - dep túsindirdi S. Nazarıýk.

Osylaısha salalyq shekteýler alynyp tastaldy, kásipkerler úshin 6 paıyzdyq mólsherleme belgilendi, aınalym qarjysyn tolyqtyrýǵa baǵyttalǵan kepildendirý men sýbsıdııalaý nesıeleriniń somasy ulǵaıtyldy,  kásibin bastaıtyn kásipkerge  360 mln teńgege deıin nesıege, sonymen birge nesıe somasynan 85 paıyzǵa deıin  kepildik berilgen. Sonymen birge, burynnan kele jatqan kásipkerler úshin 1 mlrd teńgege deıingi nesıege kepildik beriledi, kepildik nesıe somasynan  50 paıyzǵa deıin beriledi.

«BJK – 2025» baǵdarlamasyna azyq-túlik, sabyn jáne jýǵysh zattar óndirisi, júk tasymaly, qoıma sharýashylyǵy jáne qosymsha kólik, týrızm, jalǵa berý jáne jeke nemese jalǵa beriletin jyljymaıtyn múlikti basqarý, tazartýshy jáne tegisteýshi (jyltyratýshy) quraldardy óndirý, turmys pen sharaýashylyqqa qajetti qaǵaz jáne sanıtarlyq-gıgıenalyq ónimderdi shyǵaratyn iri  bıznes sýbektileriniń joǵaryda atalǵan salalary engen.

Sonymen birge, «qarapaıym zattar ekonomıkasy» salalardy damytý baǵdarlamasynyń aıasynda baǵdarlamany jalpy qarjylandyrý kólemi 1 trln teńgege deıin ulǵaıǵan, baǵdarlamaǵa engen taýarlar tizimi keńeıgen jáne nesıe somasy 3-ten 5 mlrd teńgege deıin bolǵan jaǵdaıda kepildeme mólsherlemesi 30 paıyzǵa deıin artqan.

«Bıylǵy jyly shaǵyn jáne orta bıznestiń meılinshe joǵary segmentin qamtý úshin qor balamaly qarjylandyrýdy engizý jumysyn bastady», - dep atap ótti «Damý» AQ óńirlik fılıalynyń dırektory.

Sáýir aıynyń basynda qor ıslamdyq qarjylandyrýdy damytý úshin Al Hilal Islam bankine 7,5 mlrd teńge kóleminde qarjy bóldi. Osylaısha, kásipkerler ıslamdyq qarjylandyrý qaǵıdalary boıynsha eger olardyń qyzmetteri Sharıǵatqa jáne  qarjylandyrý baǵdarlamasynyń sharttaryna saı kelse, nesıe ala alady. Kásipkerler úshin maksımaldy mólsherleme 16,5 paıyzdan kem emes.

Kásipkerler ózderiniń ótinishterin  egov.kz  jáne online.damu.kz portaldary arqyly bere alady jáne  online rejımde  www.damu.kz, www.online.damu.kz saıttary arqyly nemese  1408 biryńǵaı nomerindegi  Call-center-ge telefon shalý arqyly keńes ala alady (qońyraý shalý tegin). Sonymen birge, óńirlerdegi menedjerlermen tikeleı baılanysýǵa bolady, baılanysý aqparaty Qordyń áleýmettik jelilerdegi resmı paraqshalary men saıtynda ornalasqan.

Sońǵy jańalyqtar

Ury alysqa uzamady

Aımaqtar • Keshe

Uqsas jańalyqtar