Qazaqstan rámizderi qadirli de, qasıetti uǵym. 1991 jyly Táýelsizdik alǵannan keıin, 1992 jyly 4 maýsym kúni Elbasynyń tapsyrmasymen bizdiń Týymyz, Eltańbamyz, Ánuranymyz qabyldandy. Bul kúndi bizdiń ata-babalarymyz, Alash arystary da ańsaǵan.
Iаǵnı, tulpardy da osyǵan baılanystyrdy. «Er qanaty-at» demekshi, tulparsyz bul qalyptaspas edi. Ol da bizdiń tarıh, mádenıet. Eltańbanyń ishine kóptegen tarıhı, mańyzdy nárseler kirgen. Sondaı-aq oǵan ózgertýler de engizilgen. 2019 jyly «Qazaqstan» sózi latyn álipbıine almastyrylǵan. Bul nusqa zańmen bekitilgen. Jáne de eltańbada 40 tan astam element detal bar. Osyǵan baılanysty qazaq, orys, aǵylshyn tilinde kitap shyǵarylǵan.Uly dalanyń mádenıetine kóńil bólý qajet. Táýelsizdigimizdiń tiregi bolý úshin jaqsy oqyp, jaqsy tárbıe alyp, rámizderdi syılaýymyz, nasıhattaýymyz kerek.
Jandarbek Málibekov eltańbadaǵy elementterdiń jasalýy jóninde bylaı deıdi:
Oǵan zertteý jasaı kele, qazaq halqy erekkıiz úımen, tulparmen, qoshqar múıizben, qoltańbaly ónermen ólshengendigine nazar aýdardym. Bul úlken eńbekpen kelgen jumys.
Al arhıtektor bolýǵa ne sebep bolǵandyǵyna da óz oıyn bildirdi.
- Arhıtektor bolý úshin men ózimniń ıkemim bar ekenin sezdim. Sýretti kúni-túni salyp, sol eńbektiń arqasynda keldim dep oılaımyn. Oqýǵa túskennen keıin, bul salaǵa qyzyǵýshylyǵym odan saıyn arta tústi, jaqsy kórip kettim. Bir jaǵynan oılaý qabiletim, ekinshi jaǵynan salystyra bilesiz. Kóptegen halyqaralyq konkýrstarǵa qatystym. Sebebi árbir konkýrs shyńdaı túsedi, solaı arhıtektor bolyp qalyptastym dep oılaımyn. 3 jyldan beri kıiz úı jaıly ǵylymı jumystar jasap jatyrmyn. Zertteýler nátıjesinde iske asýda. Maqsatym árbir qazaqtyń úıinde bir-bir kıiz ýı bolý kerek. Nege deseńiz, ol kıiz úı biz aıtyp otyrǵan jas kezden tárbıeleıtin ortalyqqa aınalyp otyr. Sonyń ishinde aqsaqal, áje otyrýy kerek. Ol halqymyzdyń maqtanyshy bolyp qana qoımaı ári dúnıejúzi qazaq halqyn úlgi tutý kerek. Kıiz úı óte kúrdeli qurylys, degenmen biz ony jasap qurýymyz kerek. Kók baıraǵymyz jelbireı bersin, Eltańbamyzdyń juldyzy jana bersin, Ánuran ár kezde asqaqtaı bersin, - dedi ol.
