Aqtaýdyń olıgarhtary kún saıyn Bakýdiń restorandarynan keshki as iship qaıtý úshin Ázerbaıjannyń astanasyna ushyp baratyn kórinedi. Al senbi jáne jeksenbi kúnderi Grýzııaǵa ushady. Bul týraly Májilis depýtaty Raýan Shaekın málimdedi.
«Meniń shuǵyl túrde Aqtaýǵa ushýyma týra keldi. Sonda áýe kompanııasynyń qyzmetkerleri ol jaqqa bir apta boıy bılettiń bola qoımaıtynyn aıtty. Sebebi, Aqtaýdaǵy úlken «Boıng» ushaǵy kún saıyn arnaıy Bakýge ushady eken. Al senbi jáne jeksenbi kúnderi jergilikti turǵyndar Grýzııaǵa baryp qaıtatynǵa uqsaıdy», – deıdi Májilis depýtaty.
Depýtat osyǵan oraı Kólik jáne kommýnıkasııa mınıstri Asqar Jumaǵalıevke: «Astana men oblys ortalyqtary arasynda áýe reısteri jetispeı jatqanda, shetelderge ushaqtar kún saıyn qatynaıtyny qalaı?» degen mazmunda óziniń renishin bildirdi.
Murat Aıtqoja.
