Qazaqstan • 05 Maýsym, 2020

Tımýr Qulybaev biryńǵaı ahýaldyq ortalyq qurýdy usyndy

25 ret kórsetildi

4 maýsym kúni Úkimet, memlekettik organdar ókilderi jáne bıznes-qoǵamdastyqtyń qatysýymen Ekonomıkalyq ósýdi qalpyna keltirý jónindegi memlekettik komıssııanyń onlaın otyrysy ótti. Bul týraly atameken.kz habarlady.

Karantındik kezeńnen keıin el ekonomıkasynyń negizgi kózi – bızneske qoldaý kórsetilýi óte mańyzdy. Osy baǵytta Úkimet 2020 jyldyń aıaǵyna deıin ekonomıkalyq ósýdi qalpyna keltirý boıynsha keshendi jospardy qabyldady.

Tótenshe jaǵdaı kezeńinde bızneske salyqtyq jeńildikter, nesıeler boıynsha keıinge shegerý jáne qoljetimdi nesıeleý usynyldy. Bul kómek óndirister toqtap, karantındik sharalar kúsheıtilgen kezeńdegi shuǵyl sharalar boldy. Endigi maqsat – karantındik kezeńnen keıin bızneske qoldaý kórsetip, el ekonomıkasyn qalypty deńgeıge shyǵarý.

«Atameken» UKP basshysy Tımýr Qulybaev Ulttyq palata  20 mamyrdan bastap zardap shekken salalarda saýalnama júrgizgenin atap ótti. Saýalnamaǵa 16 myńnan astam kásipkerlik sýbektisi qatysty. Nátıjesinde bıznestiń úshten bir bóligi nesıeler boıynsha tólemderdi keıinge shegerý jáne salyqtar men eńbekaqy qoryna tólemderden bosatý – eń tıimdi sharalar boldy dep belgilegen.

«Eki apta boıy «Atameken» basshylyǵy óńirler boıynsha zardap shekken salalardaǵy kásipkerlermen suhbattasty. Nátıjesinde úsh baǵyt boıynsha usynystar legin daıyndadyq.  Birinshisi – jumys istep jatqan bıznesti jáne jumys oryndaryn saqtaý, sonyń ishinde bıznes jumysyna tikeleı áser etetin sanıtarlyq-epıdemıologııalyq baqylaýdy saqtaý. Ekinshisi – rettelmeli satyp alýlar arqyly otandyq taýar óndirýshilerdi qoldaý. Úshinshisi – Elbasy strategııalyq kýrsy men Prezıdenttiń tapsyrmalarynda aıtylǵan ınstıtýsıonaldyq reformalar», – dedi «Atameken» UKP Basqarma Tóraǵasy Abylaı Myrzahmetov.

El ekonomıkasyn tez arada qalpyna keltirý úshin tıimdi sharalar qajettigi aıqyn. Osyǵan deıin Ulttyq palata bızneske qoldaý kórsetýde jumys oryndaryn saqtaýǵa daıyn kásiporyndarǵa kómek berýge qatysty óz pozısııasyn aıtqan bolatyn. UKP bıznesten alynǵan ózekti aqparatty negizge ala otyryp, Úkimet janynan Jumyspen qamtý máseleleri jónindegi biryńǵaı ahýaldyq ortalyq qurýdy usyndy.

Mundaı ortalyq arqyly óńirlerden, salalardan, barlyq múddeli taraptar men memlekettik baǵdarlamalardan aqparat jınaqtalady. Ortalyqtyń tıimdi jumys isteýi úshin Palata óziniń barlyq saýalnamalary nátıjelerin, resýrstaryn qosyp, damý ınstıtýttarymen kúsh biriktirýge daıyn.  

«Atameken» UKP usynǵan sharalar qatarynda QR Densaýlyq saqtaý mınıstrligi jáne UKP-nyń sanıtarlyq-epıdemıologııalyq máseleleri jónindegi birlesken jumys tobyn qurý bar. О́ıtkeni ár jerde túrli sanıtarlyq-epıdemııalyq talaptar qoıylǵan. Ázirge algorıtmderdiń barlyǵy derlik ázirlenbedi – fıtnes-klýbtar, shıpajaılar, balalar lageri, mektepter boıynsha máseleler ashyq kúıinde qalyp otyr.

Jergilikti atqarýshy organdardyń monıtorıngtik toptary reıdtik tekserýler júrgizip jatyr. 1 maýsymnan bastap Nur-Sultanda bir kún ishinde sanıtarlyq normalardy oryndamaǵany úshin 70 obektini japty.

«Bıznes tarapynan sanıtarlyq normalarǵa qatysty kóp shaǵym túsken. Jumys toby sheńberinde barlyq salalar men óńirlerge biryńǵaı ári túsinikti sanıtarlyq normalardy ázirleý qajet. Sodan keıin baryp olardy oryndamaǵany úshin bıznesti jaýapqa tartý oryndy», – dep atap ótti Tımýr Qulybaev.

Tutastaı alǵanda, Ulttyq palata usynǵan qoldaý sharalary uzaq merzimge eseptelgen. Tımýr Qulybaevtyń aıtýynsha, bızneske karantındik shekteýde eń kemi jyl sońyna deıin jumys isteýge týra keledi.  

«Qoldaý sharalary vaksına daıyn bolyp, ekonomıkanyń qalypty rejımine kelgenge deıin qajet bolady. Sondyqtan maýsym aıynda qandaı sektorlar zardap shekkenin qaraýymyz kerek, aqparatpen qamtamasyz etemiz. Bizdiń usynymyz jumyspen qamtýdy monıtorıngileý ortalyǵyn qurý. Osy aı ishinde qandaı salalarǵa qandaı qoldaý kórset qajettigin talqylaımyz», – dep atap ótti Tımýr Qulybaev.

Ekonomıkalyq ósýdi qalpyna keltirý jónindegi memlekettik komıssııanyń jumysy nátıjesinde 1 tamyzǵa deıin Memleket basshysyna respýblıkanyń 2025 jylǵa deıingi strategııalyq damý josparynyń jobasy tanystyrylady.   


Sońǵy jańalyqtar

"Bek Eır" AQ-na ekinshi sot isi qozǵaldy

Qazaqstan • Búgin, 16:37

WhatsApp-ta jańa fýnksııalar paıda bolady

Tehnologııa • Búgin, 16:20

Jumys sapasy udaıy baqylaýda bolady

Aımaqtar • Búgin, 16:17

Almaty mańynda jer silkindi

Aımaqtar • Búgin, 16:10

Shıkizattyq emes eksport tómendedi

Aımaqtar • Búgin, 15:46

Bıyl Qurban aıt qalaı ótedi?

Qazaqstan • Búgin, 10:17

COVID-19: Jerleý qalaı júrip jatyr?

Qazaqstan • Búgin, 09:39

Toıdy ysyra turǵan jón

Qoǵam • Búgin, 08:39

Shekteýler otandastarymyzǵa oı salsa...

Medısına • Búgin, 08:36

Basty qundylyq – adam ómiri

Qoǵam • Búgin, 08:23

Saqtyq sharalaryn oryndaý kerek

Qoǵam • Búgin, 08:19

Búgin gazet jaqsy shyǵypty...

Oqıǵa • Búgin, 08:15

Vırtýaldy velojarysqa qatysady

Sport • Búgin, 08:10

Rekordty jańartty

Sport • Búgin, 08:07

Arnaıy Olımpıada Qazanda ótedi

Sport • Búgin, 08:01

«Djıp-safarı expedition»

Týrızm • Búgin, 08:00

Qoǵamdyq jaýapkershilik qajet

Parlament • Búgin, 07:57

Uqsas jańalyqtar