Aımaqtar • 05 Maýsym, 2020

Atyraýlyq kásipkerler bazarlar men saýda oryndaryn ashýdy surady

168 ret kórsetildi

Jylyoı aýdanynyń ortalyǵy –Qulsary qalasynda  shaǵyn jáne orta kásipkerlik ókilderi jergilikti ákimdiktiń aldyna jınaldy. Olardyń  talaby – bazarlar men saýda oryndaryn ashý.

Oblys ákimi baspasóz qyzmetiniń habarlaýynsha, buǵan  Jylyoı aýdannyń bas sanıtarlyq dárigeri T.Habıbýllınniń qaýlysyna sáıkes, munda karantınniń  18 maýsymǵa deıin sozylýy sebep bolyp otyr.  Atalǵan qaýlyǵa saı, azyq-túlik  satpaıtyn saýda oryndary men bazarlardyń jumys isteýine ruqsat berilmegen edi.

–О́ıtkeni, sońǵy málimetter boıynsha Jylyoı aýdany aýmaǵynda ornalasqan Teńiz ken ornynda  koronavırýs ınfeksııasyn juqtyrýdyń 1013 jaǵdaıy tirkelse, eldi mekenderde 43 derek anyqtaldy. Onyń 33-i Qulsary qalasynan shyqty. Bul naýqastardyń ekeýi  qaıtys boldy, -dep habarlady oblys ákiminiń baspasóz qyzmeti.

Kásipkerlermen memlekettik jáne quqyq qorǵaý organdarynyń ókilderi, Jylyoı  aýdanynyń ákimi men aýdannyń bas sanıtarlyq dárigeri kezdesti. Oblys ákimi Mahambet Dosmuhambetovtiń tapsyrmasymen Qulsary qalasyna oblys ákiminiń birinshi orynbasary Nurlan Taýbaev attanyp ketti.

 

Sońǵy jańalyqtar

Eńbekteri elengen jandar

Oqıǵa • Keshe

"Teledáriger" jobasy ashyldy

Qazaqstan • Keshe

Túrkistan jasyl qalaǵa aınalýda

Ońtústik Qazaqstan • Keshe

Uqsas jańalyqtar