Aımaqtar • 05 Maýsym, 2020

Elordalyqtar kólikten shyqpaı-aq koronavırýsqa testten óte alady

23 ret kórsetildi

Test alýǵa 3-5 mınýt ýaqyt ketedi, dep habarlaıdy Nur-Sultan qalasy ákimdiginiń resmı saıty.

Elordada koronavırýs ınfeksııasyn anyqtaý úshin mobıldi skrınıng dıagnostıkasy paıda boldy. Zerthana №2 Qalalyq kópbeıindi aýrýhana bazasynda iske qosyldy. Skrınıng ortalyǵynyń ashylý saltanatyna qala ákiminiń orynbasary Baqtııar Máken men qalalyq densaýlyq saqtaý basqarmasynyń basshysy Sáýle Qısyqova qatysty.

«Maqsat – qalanyń barlyq azamattaryn tekserip, ınfeksııa juqtyrmaǵanyna kóz jetkizý. Sonymen qatar, kún saıyn 6 zerthanada 4 500 taldaý jasalady. Jalpy, qalada materıal jınaýmen aınalysatyn memlekettik jáne jeke zerthanalar bar. Ortalyq ta yńǵaıly ornalasqan. Azamattar áýejaıǵa kelgennen keıin test tapsyra alady. Avtokólikterge arnalǵan turaqtar jetkilikti», – dedi Baqtııar Máken.

Qala ákimi orynbasarynyń aıtýynsha, bolashaqta joba qalanyń basqa da bólikterinde ashylýy múmkin.

Mobıldi ortalyq kúnine 100-den astam test alýǵa qabiletti. Prosedýra tek 3-5 mınýt ýaqyt alady. Sondaı-aq mamandar atap ótkendeı, bul ádis barlyq avtokólik úshin yńǵaıly jáne eshqandaı kezekti qajet etpeıdi. Test quny – 10 myń teńge. Test tapsyrýshy epıdemıologııalyq faktorlar men sımptomdarǵa qatysty jeke aqparattar kórsetilgen saýalnama toltyrady. Kabınada dene temperatýrasy janasýsyz termometr kómegimen ólshenedi. Nátıje 6 saǵat ishinde belgili bolady.

Test tapsyrýshy óz nátıjesin elektrondy poshta nemese Whatsapp nómiri arqyly ala alady. Covid-19-qa kúdikti bolǵan jaǵdaıda mamandandyrylǵan aýrýhanaǵa aýystyrylady.

Mobıldi skrınıng ortalyǵy 08.00-den 20.00-ge deıin demalyssyz jumys isteıdi. Ol «MEGA Silk way» saýda ortalyǵy aýmaǵynda, ıaǵnı №2 aýrýhana men «MEGA Silk way» saýda ortalyǵy arasynda ornalasqan.

Sarapshylardyń pikirinshe, Nur-Sultan qalasynda osyndaı pýnkttiń ashylýy turǵyndar arasynda aýrýdyń jasyryn oshaqtaryn anyqtap, asqynýlardyń aldyn alý úshin ýaqtyly sanıtarlyq-epıdemıologııalyq jáne aldyn-alý sharalaryn júrgizýge múmkindik beredi.

Esterińizge sala keteıik, búgin elordada koronavırýsqa jedel jáne joǵary dáldiktegi PTR-skrınıng júrgizý úshin birinshi modýldik zerthanalyq keshen iske qosyldy. Bolat О́temuratov qory QR Densaýlyq saqtaý mınıstrligi men Nur-Sultan qalasy ákimdigine ǵylymı-zertteý prosesin avtomattandyratyn biregeı zerthanany syıǵa tartty.

Zerthanada mynadaı sanattaǵy tulǵalar úshin tegin skrınıng júrgizedi: jumyssyzdar, az qamtylǵan jáne kópbalaly otbasylar, múgedektigi bar adamdar, stasıonarǵa josparly emdeýge jatqyzylatyn pasıentter, tynys alý organdary, endokrındik jáne júrek-qantamyr júıeleri aýrýlarymen dınamıkalyq baqylaýda turǵan 50 jastan asqan pasıentter; epıdemııaǵa qarsy is-sharalarǵa tartylǵan arnaıy kontıngent – volonterler men belsendiler, patrýlder; qarttar úılerindegi, ınternattyq jáne ózge de mamandandyrylǵan mekemelerdegi azamattar; mektepke deıingi mekemelerdiń qyzmetkerleri.

Sońǵy jańalyqtar

Shymkent qalasynyń ákimi ýádesin oryndady

Aımaqtar • 04 Shilde, 2020

Tirkelmegen qarý-jaraqtan qutylǵan abzal

Aımaqtar • 04 Shilde, 2020

Atyraýda tegin dári-dármek taratylmady

Aımaqtar • 04 Shilde, 2020

Ipoteka týraly zańǵa ózgerister engizildi

Aımaqtar • 04 Shilde, 2020

Arqalyqta etanoldan ýlanyp 9 adam kóz jumdy

Aımaqtar • 04 Shilde, 2020

Uqsas jańalyqtar