Aımaqtar • 05 Maýsym, 2020

Batys Qazaqstanda 3 myńnan asa adam tólqujat alǵan

46 ret kórsetildi

«Azamattarǵa arnalǵan úkimet» memlekettik korporasııasy halyqqa qyzmet kórsetý ortalyqtarynyń jumysy qaıta jandanǵannan keıingi kóp suratylǵan memlekettik qyzmetterdiń reıtıngin jasady.

Halyqqa qyzmet kórsetý ortalyqtary qaıta ashylǵan soń Qazaqstan azamattary aldymen jeke kýálik pen pasport alýǵa asyǵypty. Elimiz boıynsha 155 myńnan astam azamat jeke basyn kýálandyratyn qujatyn jańartsa, Batys Qazaqstan oblysynda 3 myńnan astam jeke kýálik jáne tólqujat berilgen eken.

Avtokólikti qaıta tirkeý qyzmeti ekinshi orynda. Mamyr aıynda avtomobıl ıeleri Qazaqstannyń mamandandyrylǵan HQO-larynda 118 myńnan astam kólikti qaıta tirkegen. Batys Qazaqstan oblysynda bul kórsetkish 3000 shamasynda.

Mamyr aıynda azamattar jyljymaıtyn múlik quqyqtaryn memlekettik tirkeý qyzmeti úshin halyqqa qyzmet kórsetý ortalyqtaryna 56 myńnan astam ret júgingen eken. Batys Qazaqstan oblysynda dál osyndaı 2 myńnan astam qyzmet kórsetilgen.

Eń tanymal qyzmetterdiń tórtinshi satysynda júrgizýshi kýálikterin aýystyrý jáne berý qyzmeti kóterildi. Mamyr aıynda 30 myńǵa jýyq qujat rásimdelse, BQO boıynsha 1000 júrgizýshi kýáligi berildi.

Karantınnen keıingi suranysqa ıe besinshi qyzmet – áleýmettik qaýip-qater jaǵdaıynda áleýmettik járdemaqylar taǵaıyndaý qyzmeti. Bul negizinen júktilik jáne bosanýǵa baılanysty beriletin tólem. Ony 20 myńnan astam júkti áıel alǵan, al Batys Qazaqstan oblysynda 1500-deı áıel adam bul qyzmet túrin aldy.

Azamattarǵa arnalǵan úkimettiń aldyn ala málimeti boıynsha mamyr aıynda halyqqa qyzmet kórsetý ortalyqtary arqyly Batys Qazaqstan oblysynda 20 myńǵa jýyq, al Qazaqstanda 645 myńnan astam memlekettik qyzmet túri alynǵan. Aıta keteıik, karantınnen keıin Batys Qazaqstan, Qaraǵandy oblystarynyń halyqqa qyzmet kórsetý ortalyqtary qyzmetin 4 mamyrda, al Almatydaǵy HQO-lar óz jumysyn 25 mamyrda bastaǵan bolatyn.

Qazir tótenshe jaǵdaı rejımi alynyp tastalǵanymen, indet taralý qaýpi seıilgen joq. Sondyqtan ǵımarattarda azamattar kóp jınalyp, vırýsty juqtyrmaýy úshin egov.kz portalynda qoljetimsiz qyzmetter ǵana halyqqa qyzmet kórsetý ortalyqtarynda kórsetiledi. Ol úshin egov.kz portaly, eGovKzBot2.0 telegram-boty nemese 1414 baılanys ortalyǵyna qońyraý shalý arqyly aldyn ala brondap, kezek alý kerek.

 

Batys Qazaqstan

Sońǵy jańalyqtar

Qalalar arasynda blokbeketter qoıylmaıdy

Qazaqstan • Búgin, 15:47

Elbasy koronavırýstan jazylyp shyqty

Elbasy • Búgin, 15:07

8 elden 15 fınteh-startap irikteldi

Qazaqstan • Búgin, 13:37

Tabys ósip, qaryz edáýir azaıdy

Ekonomıka • Búgin, 12:23

Dollardyń búgingi baǵamy belgili boldy

Ekonomıka • Búgin, 11:35

Jambyl oblysynda dinı ahýal turaqty

Aımaqtar • Búgin, 09:45

Qazaqstan men álemdegi fıntehtiń damýy

Ekonomıka • Búgin, 09:39

Uqsas jańalyqtar