Burnaǵy kúni túnde Qurlyqtyq hokkeı lıgasynyń kezekti týry oıynyn Máskeýde jergilikti «Spartakpen» ótkizgen Astananyń «Barysy» 4:3 (2:1, 0:0, 2:2) esebimen jeńiske jetti.
Burnaǵy kúni túnde Qurlyqtyq hokkeı lıgasynyń kezekti týry oıynyn Máskeýde jergilikti «Spartakpen» ótkizgen Astananyń «Barysy» 4:3 (2:1, 0:0, 2:2) esebimen jeńiske jetti.
Bizdiń jerlesterimiz «Sokolnıkıde» ótken matchtyń 3-mınýtynda esep ashty. Ony Roman Starchenkodan shaıba alǵan Djosh Gretton saldy. Máskeýlikter Aleksandr Nıkýlınniń kúsh salýymen esepti 10-mınýtta teńestirdi. Alaıda, astanalyqtar buǵan kóne qoımady. Olar úziliske deıin forvard Konstantın Rýdenkonyń mergendigi arqyly taǵy alǵa shyqty.
Negizinen «Barys» birinshi kezeńdegi osy bir shaıbanyń artyqshylyǵy arqasynda túpki jeńiske jetti. Sebebi, kelesi eki kezeńde qarsylastar bir-birinen asa almady. Ekinshi kezeńde eki jaqtyń da esebine gol jazylǵan joq. Al úshinshi kezeńde soqqan shaıbalary teń boldy. Áýeli qazaqstandyq Mıhaıl Rahmanov esepti ulǵaıtty (3:1). Sosyn Maık Landın «Barys» sapyndaǵy óziniń birinshi shaıbasyn túsirdi (4:1). Kezdesýdiń sońyna qaraı máskeýlikter eki shaıbany qysqartýǵa qol jetkizdi. Bulardy Vıacheslav Kozlov pen Rostıslav Shpırko óz esepterine jazdy.
Osy jeńisten keıin «Barys» óziniń tarıhynda birinshi ret QHL boıynsha top bastady. Onda qazir 11 oıynnan 27 upaı bar. Sankt-Peterbýrgtiń SKA-sy da osynsha upaı jınady. Biraq onyń ishki kórsetkishteri astanalyqtardan tómen. Taǵy bir aıta ketetin jaıt, «Barys» osymen qatarynan 86-shy matchty golmen aıaqtap otyr.
«Barys» kelesi týrdyń oıynyn 8 qazan kúni óz alańynda Podolskiniń «Vıtıaz» komandasymen ótkizedi. Match Astana ýaqytymen 19:00 saǵatta bastalady.
Damır Qojamqul.
