Aımaqtar • 05 Maýsym, 2020

Shymkentte dala órtiniń aldyn alý sharalary belsendi júrgizilip jatyr

32 ret kórsetildi

Shymkent qalasy aýmaǵynda jyl basynan beri orman jáne dala órtteri tirkelmegen. Bul týraly aqparattyq-kommýnıkasııa ortalyǵynda qalalyq Tótenshe jaǵdaılar departamentiniń bastyǵy, azamattyq qorǵaý polkovnıgi N.Derbisovtiń qatysýymen qala aýmaǵyndaǵy orman-dala órtteriniń aldyn alý jáne der kezinde órt sóndirý is-qımyldaryn jasaý boıynsha ótken baspasóz brıfınginde aıtyldy.

Brıfıngte departament basshysy atqarylyp jatqan sharalarǵa toqtalyp, orman jáne dala órtiniń aldyn alý baǵytyndaǵy jumystar jaıynda jan-jaqty aqparat berdi.

Búgingi kúni Shymkent aýmaǵynda qala ákimdigine qarasty «Jasyl Beldeý» jáne Túrkistan oblysy ákimdigine qarasty «Badam» orman sharýashylyǵy ornalasqan. Bul orman qory jeriniń jalpy aýdany 5 myń 702 ga quraıdy («Jasyl Beldeý» jalpy aýdany 1 myń 372 ga, onyń ishinde orman kómkerilgen aımaǵy 176 ga jáne «Badam» jalpy aýdany 4 myń 330 ga, onyń ishinde orman kómkerilgen aımaǵy 2 myń 748 ga). Onyń ishinde, ormandy alqaby 2924 ga, ormansyz alqaby 2778 ga).

– Orman jáne dala órtterin aldyn alý maqsatynda aǵymdaǵy jyldyń sáýir-mamyr aılarynda qala aýmaǵynda jalpy respýblıkalyq mańyzy bar avtomobıl joldarynyń boıynda 65 shaqyrym, jergilikti avtomobıl joldarynyń boılarynda 315,2 shaqyrym, orman qory jerlerinde 406 shaqyrym jáne egistik alqaptarynda 400 shaqyrym órtke qarsy mıneraldy jolaq jyrtý jumystarynyń 1-kezeńi ótkizildi, - dedi N.Derbisov.

Departament basshysynyń aıtýynsha, orman-dala órtterin der kezinde sóndirý maqsatynda aýdan ákimdikteri tıisti eldi mekenderde jalpy 527 adamnan turatyn 52 erikti órt sóndirý qurylymdary qurylǵan. Olar 94 beıimdelgen qosalqy tehnıkalarmen, 22 órt sóndirý motopompalarmen jáne qolda bar órt sóndirý quraldarymen (527 hlopýshka) jabdyqtalǵan.

Sondaı-aq tórt aýdannyń ákimdikteri sharýa qojalyqtarymen kelisip, qala aýmaǵynda orman jáne dala órtteri oryn alǵan jaǵdaıda der kezinde sóndirý úshin, bir soqaly traktormen birge 3 tonna sýy bar tirkemeli bóshkelermen jalpy 4 ýaqytsha baqylaıtyn órt sóndirý beketteri qurylǵan.

Brıfıng sońynda N.Derbisov barlyq sharýaqojalyqtary men qala turǵyndaryn orman jáne alqaptarda órt qaýipsizdigi erejelerin saqtaýǵa shaqyrdy.

Sońǵy jańalyqtar

Uqsas jańalyqtar