Aımaqtar • 05 Maýsym, 2020

Batys Qazaqstan oblysynda karantın sharalary qaıta kúsheıtildi

227 ret kórsetildi

Batys Qazaqstan oblysy taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy Muhamǵalı Aryspaev málimdeme jasady. О́ńirde karantın sharalary qaıta kúsheıedi.

Maýsymnyń 5-i kúni Batys Qazaqstan oblysynda koronavırýs juqtyrǵan naýqastardyń jalpy sany 776-ǵa jetti. Onyń ishinde 344 adam jazylyp shyqqan, provızorlyq stasıonarda – 32, karantındik stasıonarda – 127 adam jatyr. Al 1894 adam úı jaǵdaıynda oqshaýlanyp, dáriger baqylaýyna alynǵan.

- Bizdiń óńirde epıdemıologııalyq jaǵdaı turaqsyz bolyp tur. Buryn indet juqtyrǵandar kóbine syrttan kelse, qazir aýyrǵan adammen jaqyn qarym-qatynastan koronavırýs juqtyrǵandar sany kóbeıdi. Osyǵan oraı bıylǵy 11 mamyrdaǵy qaýlyǵa ózgeris engizip, keıbir tyıym sharalaryn engizýge sheshim qabyldadyq, - dedi Muhamǵalı Aryspaev oblys turǵyndaryna tikeleı efırde.

Sonymen, 6 maýsymnan bastap Batys Qazaqstan oblysynda turatyn jeri boıynsha otbasylyq is-sharalardy ótkizýge tyıym salynady. Ýaqytsha jabylýǵa jatpaıtyn, ruqsat etilgen qyzmet túrlerinen basqa uıymdar men kásiporyndar ádettegi jumys rejımin toqtatyp, óz qyzmetin qashyqtyqtan, onlaın rejıminde jalǵastyra alady.

Oral qalasyndaǵy qoǵamdyq kólik barlyq sanıtarlyq-epıdemıologııalyq normalardy saqtaı otyryp tańerteń saǵat 06.00-den 12.00-ge deıin, keshke saǵat 17.00-den 21.00-ge deıin ǵana júredi.

Azyq-túlik jáne qurylys t.b. bazarlarǵa barlyq sanıtarlyq-epıdemıologııalyq talaptardy jáne epıdemııaǵa qarsy is-sharalardy saqtaı otyryp dúısenbiden beısenbige deıin saǵat 09.00. men 13.00. aralyǵynda, jumadan jeksenbige deıin saǵat 10.00. men 16.00. aralyǵynda jumys isteýge ruqsat etiledi.

Meıramhana, ashanalar kelýshi sanyn bir mezgilde 30 adamnan asyrmaı, barlyq sanıtarlyq-epıdemıologııalyq talapty jáne epıdemııaǵa qarsy is-sharalardy saqtaı otyryp jumys isteı alady. Sondaı-aq bas sanıtar qoǵamdyq tamaqtaný nysandarynda kalıandy paıdalanýǵa tyıym saldy. Tyıymdardyń tolyq tizimi jergilikti BAQ-tar jarııalandy. Bul qaýly 6 maýsym kúni ańda kúshine enip, ázirge maýsymnyń 15-ine deıin sozylady.

- Álemdik tájirıbe adamdar tyǵyz baılanysqan jerde vırýstyń juǵý qaýpi joǵary ekendigin kórsetti. Osyǵan baılanysty batysqazaqstandyqtardy adamdar kóp jınalatyn jerge barmaýǵa, uıymdasqan jıyndarǵa qatyspaýǵa, áleýmettik qashyqtyqty saqtaýǵa, jabyq úı-jaılarǵa kirgende mindetti túrde betperde taǵýǵa shaqyramyz. Eger toptyq jıyndar kesirinen halyq arasynda koronavırýs juqpasynyń taralýy anyqtalsa, bul zańnamamen qarastyrylǵan jaýapkershilikke, tipti qylmystyq jaýapkershilikke tartýǵa ákeletindigin eskertemiz. Tek karantın talaptaryn, sanıtarlyq-epıdemııalyq rejımdi saqtaý arqyly ǵana ózimizdi jáne otbasymyzdy álemge taraǵan bul indetten qorǵaı alamyz, - dedi Muhamǵalı Aryspaev.

 

Sońǵy jańalyqtar

Eńbekteri elengen jandar

Oqıǵa • Keshe

"Teledáriger" jobasy ashyldy

Qazaqstan • Keshe

Túrkistan jasyl qalaǵa aınalýda

Ońtústik Qazaqstan • Keshe

Uqsas jańalyqtar