Aımaqtar • 06 Maýsym, 2020

Pavlodar oblysynda 29 sport nysany salynady

29 ret kórsetildi

Oblystyq Sport jáne týrızm basqarmasynyń málimetinshe, óńirde  «Jumyspen qamtýdyń jol kartasy–2020» memlekettik baǵdarlamasy boıynsha sport nysanyn salýǵa jáne basqa  nysandardy kúrdeli jáne aǵymdaǵy jóndeýge 1 mlrd teńgeden astam qarajat bólingen.

Sýretti túsirgen: Valerıı Býgaev

Baǵdarlama aıasynda aýdan  ortalyǵy  Tereńkól aýylynda jabyq hokkeı korty, Aqsý qalasynda dene shynyqtyrý-saýyqtyrý kesheniniń qurylysy bastaldy. О́ńir basshylyǵy oblys ortalyǵyndaǵy  barlyq jumys túrleriniń sapasyn baqylaý úshin 5 nysandy aralap kórdi.

Barlyq jobalardy ýaqytynda aıaqtap, olardyń sapaly oryndalýy úshin árbir nysanda beınebaqylaý ornatylady. Iаǵnı, bul qurylys salýdaǵy merdigerler jumysynyń barysyn, qurylysshylarǵa eńbek qaýipsizdigin saqtaýǵa   jaǵdaı jasaý úshin  óte qajet.

Mysaly, qazir  merdiger oblys  ortalyǵyndaǵy «Astana» muz saraıynyń ǵımaratynyń shatyryn kúrdeli jóndeýi jáne kabel jelilerin aýystyrýdy bastady. Jumystardy 2020 jylǵy qyrkúıekte aıaqtaýdy josparlap otyr. Sondaı-aq, «Shahmat úıi» men Ortalyq stadıon ǵımarattarynda  kúrdeli jóndeý jumystaryn júrgizip jatqan  merdigerlerdiń jumysy qatań baqylaýda.

Al oblys ákiminiń  orynbasary  Sáken Shaıahmetov  №2 Olımpıadalyq rezervtegi balalar men jasóspirimderge arnalǵan mamandandyrylǵan mektepte «Tabys Power Construction» JShS jáne «Altaır Holdıng» JShS merdigerlerimen kezdesti. Qurylysshylar tamyz aıynda shatyrdy aǵymdaǵy jóndeý, sonymen qatar qasbeti men taqtaıly edendi kúrdeli jóndeý jumystary aıaqtalatynyn aıtty.

Sonymen birge, «Batyr» balalar men jasóspirimder dzıýdo mektebinde kúrdeli jóndeý jumystary júrgizilýde. Bul jobaǵa barlyǵy 180 mıllıon teńge bólingen.  

 

PAVLODAR

Sońǵy jańalyqtar

Loýkoster quny qaltany qaqpaıdy

Aımaqtar • Búgin, 08:20

Jetinshi maýsymnyń jetistigi

Rýhanııat • Keshe

Uqsas jańalyqtar