Qazaq kúı óneriniń kesheli-búgingi kórnekti ókilderiniń biri, Qazaqstannyń Halyq ártisi, buǵan deıingi qazaqtyń Qurmanǵazy atyndaǵy akademııalyq halyq aspaptar orkestriniń kórkemdik jetekshisi Tuıaqberdi Shamelov ótken jyldyń kúzinde beý, dúnıe jalǵannan fánıge attanyp ketip edi. Sol kezde ol shyǵarmashylyq saparmen óziniń týǵan jeri Aqjaıyqta júrgen bolatyn. Tekti, talantty óner ıesiniń máńgilik damyldaıtyn orny qaı jerde ornalasýy kerek degen másele aldan shyqqan kezde, oǵan Oral-Jańaqala kúre jolynyń boıyndaǵy Mámen kesenesiniń jany laıyqty dep tabyldy.
Qazaq kúı óneriniń kesheli-búgingi kórnekti ókilderiniń biri, Qazaqstannyń Halyq ártisi, buǵan deıingi qazaqtyń Qurmanǵazy atyndaǵy akademııalyq halyq aspaptar orkestriniń kórkemdik jetekshisi Tuıaqberdi Shamelov ótken jyldyń kúzinde beý, dúnıe jalǵannan fánıge attanyp ketip edi. Sol kezde ol shyǵarmashylyq saparmen óziniń týǵan jeri Aqjaıyqta júrgen bolatyn. Tekti, talantty óner ıesiniń máńgilik damyldaıtyn orny qaı jerde ornalasýy kerek degen másele aldan shyqqan kezde, oǵan Oral-Jańaqala kúre jolynyń boıyndaǵy Mámen kesenesiniń jany laıyqty dep tabyldy.
Kez kelgen talanttyń bas ıip, pir tutatyn adamy bolýy tabıǵı qubylys. Aıtalyq, jyr alyby Jambyldyń piri – Súıinbaı bolsa, tabıǵaty tek qarapaıymdylyqtan jaratylǵan Tuıaqberdiniń piri kúı táńirisi – Mámen bolatyn. Tuıaqberdi Mámendi kórmegen. О́ıtkeni, ol T.Shamelov dúnıege kelmesten kóp ýaqyt buryn ómirden ótken. Áıtse de, Tuıaqberdi Mámenniń artynda qaldyrǵan kúı murasy tabıǵatynan ózine keremetteı úndestik tapqan. Onyń qazaq kúı óneriniń qos dúldúli Qalı men Mámenge arnaǵan týyndysy da bar.
Aıtyp-aıtpaı ne kerek, kúı óneriniń eki býyny men eki urpaǵy ókiliniń kesenesi qatar ornalasty. Alystan kóz tartatyn osynaý qos aqshańqan kesene joǵaryda aıtylǵandaı Oral-Jańaqala kúre jolynyń boıynda ornalasqan. Oral óńirinde «Jańaqalaǵa baryp kúıshimin deme» degen sóz bar. Árıne, halyq aıtsa qalt aıtpaıdy ǵoı. Eger Jańaqala-Orda topyraǵy Qurmanǵazy men Dınanyń, dáýlesker kúıshi Dáýletkereıdiń, Mámenniń, Qalı Jantileýovtiń, Oqap Qabıǵojınniń kir jýyp, kindik kesken kishi otany bolsa, osylaı demegende ne deýge bolady? Qazaq kúı óneriniń taǵy bir qaıtalanbas tulǵasy, Qazaqstannyń Halyq ártisi, marqum Qarshyǵa Ahmedıarovtiń sózimen aıtqanda, osyndaı topyraqtan Tuıaqberdiniń dúnıege kelýi, konsertmeıster bolýy kezdeısoqtyq emes, zańdylyq.
Osydan eki jyl buryn Jańaqala aýdanynyń ákimi Lavr Haıretdınov mádenıet úıiniń aldynan kúıshiler kerýenin ashýǵa bastamashy boldy. Soǵan saı bul aradan joǵaryda atalǵan qazaq kúıiniń paıǵambarlaryna keýde músinder ornatyldy. Solardyń qataryn ala bulty men qara bulty aralasyp, tóbeden tóngen qyrkúıektiń sońǵy kúni Tuıaqberdi Shamelovtiń keýde músini tolyqtyrdy.
Kıeli Jańaqala topyraǵynda kórnekti kúıshi Tuıaqberdi Shamelovke arnalyp turǵyzylǵan aqshańqan keseneniń ashylý rásimine jáne ony eske alý sharalaryna qazaqtyń Qurmanǵazy atyndaǵy akademııalyq halyq aspaptar orkestriniń ujymy arnaıy kelip, táý etti, kúıshi rýhyna arnap úlken konsert qoıdy.
Batys Qazaqstan oblysy,
Jańaqala aýdany.
