Qazaqstan • 06 Maýsym, 2020

Qorǵanys mınıstrliginiń qyzmetteri mobıldi qosymshada qoljetimdi bolady

18 ret kórsetildi

Aǵymdaǵy jyldyń sońyna deıin Qorǵanys mınıstrligi quramalymdyq bólimsheleri kórsetetin memlekettik qyzmetterdiń bir bóligi halyqqa eGov mobile mobıldi qosymshasy arqyly qoljetimdi bolady, dep habarlady mınıstrliktiń baspasóz qyzmeti.

Azamattardyń ómir súrý sapasy men ál-aýqatyn arttyrý sheńberinde Qorǵanys mınıstrligimen 2019 jyly halyqqa kórsetiletin 14 memlekettik qyzmettiń 13-i elektrondyq formatqa kóshirildi.

Memlekettik qyzmetterdi kórsetýdi odan ári sıfrlandyrý, sybaılas jemqorlyq táýekelderin barynsha joıý, elektrondyq úkimet portaly arqyly memlekettik qyzmetterdi kórsetýdi tanymal etý úshin aǵymdaǵy jyldyń sońyna deıin Qorǵanys mınıstrligi Sıfrlyq damý jáne aeroǵarysh ónerkásibi mınıstrligimen, «Ulttyq aqparattyq tehnologııalar» aksıonerlik qoǵamymen ózara is-qımyl jasaı otyryp, «Elektrondyq úkimet» portalynyń mobıldik qosymshasy arqyly segiz memlekettik qyzmet kórsetýdi iske asyrýdy josparlap otyr.

Jyl sońyna deıin qazaqstandyqtar úıden shyqpaı-aq, smartfon arqyly áskerge shaqyrý ýchaskelerine tirkeý týraly kýálikti, zapastaǵy ofıserlerge, serjanttarǵa, sarbazdarǵa arnalǵan áskerı bıletterdi nemese olardyń dýblıkattaryn resimdeı alady dep kútilýde. Sonymen qatar, jyldam ári qaýipsiz túrde áskerı qyzmet ótkergenin rastaý týraly, azamattyń áskerı qyzmetke qatysy týraly anyqtamalardy, sondaı-aq jeńildik sanattaryndaǵy azamattarǵa anyqtamalar alýǵa bolady. Olar Uly Otan soǵysynyń, Chernobyl atom elektrostansııasyndaǵy apattyń saldaryn joıýǵa qatysýshylar jáne  ınternasıonalıst-jaýyngerler.

Tizimge sondaı-aq azamattardy áskerı-tehnıkalyq jáne basqa da áskerı mamandyqtar boıynsha daıarlaý, áskerı mindettiler men shaqyrylýshylardy áskerı esepke qoıý nemese odan shyǵarý, sonymen qatar  Qarýly Kúshterdiń qyzmettik turǵyn úıge muqtaj áskerı qyzmetshilerin esepke qoıý jónindegi qyzmetter kiredi.

2019 jyly Qorǵanys mınıstrligi 310 112 memlekettik qyzmet kórsetti. Onyń 290460-y «Azamattarǵa arnalǵan úkimet» memlekettik korporasııasynyń» fılıaldary arqyly, 10 239-y qaǵaz qujattar arqyly áskerı bólimder men mekemelerde, 9 413-y «Elektrondyq úkimet» portaly arqyly elektrondyq túrde júzege asyryldy.

Basty maqsat, árbir adam memlekettik organdar men mekemelerge barmaı nemese qaǵaz qujattardy qoldanbaı-aq, «jyldam jáne onlaın» qaǵıdasymen memlekettik qyzmetti alý bolyp tabylady.

Sońǵy jańalyqtar

Bárimizge bir samǵaý qajet edi...

Ádebıet • Búgin, 06:24

Juldyzdaı aǵyp ótken jasyn-ǵumyr

Oqıǵa • Búgin, 06:20

Festıval eki kúnge jalǵasty

Abaı • Búgin, 06:18

Qaı elderge shyǵýǵa ruqsat berilgen?

Týrızm • Búgin, 06:13

Elektrondy qyzmet úlesi ósti

Tehnologııa • Keshe

Brazılııada vırýs basylmaı tur

Koronavırýs • Keshe

Uqsas jańalyqtar