Born 1956 jyldyń 6 maýsymynda Shvesııanyń astanasy – Stokgolmniń irgesindegi Sedertele qalasynda dúnıege keldi. Ákesi ústel tennısiniń has sheberi boldy. Soǵan ilktegen jetkinshek sporttyń soqpaǵyna tústi. Alaıda onyń tańdaýy úlken tennıske tústi. Jastaıynan jasyndaı jarqyraǵan Borg kóp uzamaı óz eliniń mańdaıaldy tennısshileriniń birine aınaldy.
Ýaqyt oza Born Borgtyń myqtylyǵyn kúlli álem moıyndady. «Úlken dýlyǵa» týrnırlerinde barlyǵy 11 márte top jardy. Oǵan tek Aýstralııanyń ashyq birinshiliginiń bas júldesi ǵana buıyrmady. О́zge jarystarda birneshe retten dara shyqty. ATR dodalarynda 77 ret jeńimpaz atandy. Úsh ret Qortyndy týrnırde qarsylas shydatpaı, Devıs kýbogyn da ıelendi. 1977 jyldyń 23 tamyzynda álemniń birinshi raketkasy atanǵan Borg sol tuǵyrdan 109 apta boıy túsken joq.
