«Vaksınasııalaý – qazirgi Kodeks pen jańa Kodeks jobasy boıynsha kez kelgen adamǵa kelisimi arqyly ǵana (nemese zańdy ókiliniń kelisimi – balanyń ata-anasy) jasalady. Kez kelgen adam (ata-ana) odan bas tarta alady. Ol májbúrli emes. Áıtse de halyqty vaksınasııalaý – ınfeksııa epıdemııasynan halyqtyń qorǵaýdyń birden-bir ǵylymı negizge ıe ári dáleldengen amaly. Bul memlekettik densaýlyq saqtaýdyń mindetti sharasy», - dep jazdy Eljan Birtanov Facebook paraqshasynda.
Mınıstr «eger vaksınasııa mindetti bolmaıtyn bolsa – perzenthanalar men aýrýhanalardyń dárigerleri úshin mindetti bolmaıtynyn» aıtty.
«Bizge bul vaksınalardy satyp alý kerek bolmaı qalady. Jylyna 4 mıllıonnan astam balaǵa týǵan kezde jáne týǵannan keıin memleket esebinen polıomıelıt, týberkýlez, sirespe, qyzylsha, kókjótel, gepatıt, pnevmonııaǵa qarsy ekpe jasalmaıdy», - dep túıdi Eljan Birtanov.
