О́ńir basshysy ǵasyr kýágerine Syr jurtshylyǵynyń jyly lebizin jetkizdi. «Memleket basshysy Qasym-Jomart Toqaev Uly Jeńis merekesi qarsańynda «Ardagerler týraly» zańdy qabyldap, aǵa býyn ókilderiniń mártebesin kóterip, áleýmettik qorǵalýyna erekshe mán berdi.Sizdiń jasyńyz ben jolyńyzdy jas urpaqqa bersin. Urpaǵyńyzben myń jasap, aldymyzda jón silter aqylshymyz bolyp júre berińiz!»,-dedi oblys ákimi.
G.Ábdiqalyqova mereıtoı ıesine quttyqtaý hatyn tabystap, qazaqı dástúrden jańylmaı shapan japty. Sharaǵa Turǵanbaı Mahanov, Árip Qojbanov sııaqty eńbek ardagerleri jáne shákirtteri qatysyp mereıtoı ıesin quttyqtady.
Bóribaı Qulmanov 1920 jyly 6 maýsymda Soltústik Qostanaı oblysynda dúnıege kelgen. Jastaıynan joqshylyqty kórgen ol jetijyldyq mektepten keıin, 1934 jyly Qyzylorda aýylsharýashylyq tehnıkýmyn agronom mamandyǵy boıynsha támamdaǵan.Eńbek jolyn Qyzylorda oblysy Syrdarııa aýdanynyń aýylsharýashylyǵy bóliminde bastaǵan. 1940 jyly Mákeýdegi áskerı ýchılıshege kýrsant bolyp qabyldanyp, 1941 jylǵy 1 mamyrda Qyzyl alańda ótken áskerı sherýge qatysady. Sol jyly leıtenant sheninde, mınometshiler rotasynyń komandıri bolyp maıdanǵa attanady. Uly Jeńisti Germanııanyń Shtettın qalasynda qarsy alady. Soǵys aıaqtalǵan jyly erekshe tapsyrmamen Qytaıdaǵy Sınszıan provınsııasynda qyzmet atqarady.
Bóribaı Qulmanovmaıdandaǵy erlik isteri úshin "Qyzyl juldyz", "1-shi dárejeli Otan soǵysy" ordenderimen jáne kóptegen medaldermen marapattalǵan. Oblystyń ekonomıkasyn, mádenıeti men aýyl sharýashylyǵyn damytýǵa qosqan úlesteri úshin "Eńbek Qyzyl Tý", "Qurmet belgisi", "Qurmet" ordenderiniń ıegeri, Qazaq KSR Joǵary Keńesiniń, oblys ákiminiń (2015 jyl) Qurmet gramotalarymen marapattalǵan. Qyzylorda oblysynyń qurmetti azamaty.
