Almaty oblysynda «Qaýipsiz jol» jedel-aldyn alý sharasy óz jumysyn bastady. Keń aýqymdy is-shara jol-kólik oqıǵalary men olardyń zardaptarynyń aýyrlyǵyn aldyn alýǵa jáne tómendetýge, jol qozǵalysy erejelerin buzý derekteriniń jolyn kesýge jáne anyqtaýǵa baǵyttalǵan. О́tken táýliktiń ózinde oblys joldarynda 1318 JQE-ni buzýshy tirkeldi, al eki kún ishinde patrýldik polıseıler jol qozǵalysy erejelerin buzǵan 2246 adamdy anyqtaǵan.
– Quqyq buzýshylyqtyń kóshbastar úshtiginde: jaıaý júrginshiler erejesin buzý – 360 derek, belgilengen qozǵalys jyldamdyǵyn arttyrý – 103 hattama, memlekettik nemese mindetti tehnıkalyq baıqaýdan ótpegen júrgizýshilerdiń kólik quraldaryn basqarýy – 63 oqıǵa. Patrýldik polısııanyń jeke quramy kúsheıtilgen túrde qyzmet atqarady, – deıdi Almaty oblysy PD Jergilikti polısııa qyzmeti basqarmasynyń bastyǵy Baǵdat Áshimov.
Polısııa narıadtary mas kúıinde avtokólikti basqarý, qarsy qozǵalys jolaǵyna shyǵý, qaýipsizdik beldigin paıdalanbaý, uıaly telefon arqyly sóılesý jáne jol-kólik oqıǵalaryn jasaýǵa alǵysharttar jasaıtyn basqa da JQE-ge qatysty quqyq buzýshylyqtardy anyqtaý jáne jolyn kesý boıynsha jumystardy kúsheıtip jatyr.
– Eldi mekenderdiń qıylystaryndaǵy, avtomobıl joldaryndaǵy jáne kóshelerdegi narıad tyǵyzdyǵy artty. Ishki ister organdarynyń qyzmetin reglamentteıtin QR Ishki ister mınıstrliginiń buıryqtary men normatıvtik-quqyqtyq qujattary negizinde jol-patrýldik polısııasy qyzmetkerleriniń mindetteri men jumys ádisteri naqty anyqtalǵan. Olar avtopatrýldeýdi, jaıaý patrýldeýdi, sondaı-aq jol qozǵalysyna qatysýshylardy qadaǵalaýdy qamtıdy. Joǵaryda atalǵan jumystardyń barlyq ádisteri osy jedel-aldyn alý is-sharalaryn ótkizý aıasynda qoldanylyp jatyr, – dep tolyqtyrdy Áshimov.
