Aýdandyq krımınaldyq polısııa dereý temir jınaıtyndardy tekserse sharbaqtyń temir shynjyrlary sonda jatqan bolyp shyǵady. Muny ótkizgen 1987 jyly týǵan, buryn sottalǵan osy aýyldyń týmasy eken. Adam deýge aýyz barmaıtyn azǵyn araq tabýdyń basqa jolyn tappaı, óli arýaqtardy mazalap, olardyń basyna qoıylǵan belgilerdi syndyryp, temir jınaýshyǵa ótkizgen eken. Qazir onyń ústinen qylmystyq is qozǵalyp, sotqa deıingi tergep-tekserý prosesi júrip jatyr.
Ekinshi azǵyndyqty Petropavl qalasyndaǵy Jumysshy kentiniń buryn sottalǵan, 1962 jyly týǵan turǵyny jasaǵan. Ony zırat jaqtan aýyr zattar kóterip kele jatqanynan kúdiktengen polısııa kapıtany Aıdar Qýandyqov toqtatqan eken. Qolyndaǵy sómkesin teksere kelgende onyń ishinen zırat sharbaǵynyń temir bólikteri shyqqan. Polıseıler qorymǵa baryp, buzylǵan kimniń zıraty ekenin de anyqtaǵan. Qazir marqumnyń týystarynyń aryzynyń negizinde azǵynnyń ústinen qylmystyq is qozǵalǵan.
Bir kezde osyndaı taǵylyq kóbeıip ketken edi. Biraq olarǵa qarsy jaza qoldaný kúsheıtilip, mundaı qylmystar azaıǵan. Endi sondaılar qaıtadan bas kótere bastaǵan tárizdi. Bul iste temir jınaýshylarǵa da qatań shara qoldanylyp, olarǵa osyndaı zattardy almaý qajettigi zańdy túrde eskertilgeni jón bolar edi.
Soltústik Qazaqstan oblysy
