Para alatyny týraly kúdikti bolǵan Almaty memlekettik servıs jáne tehnologııa kolledjiniń dırektory Maran Taqabaev qylmys ústinde qolǵa túser sátinde ózi otyrǵan kabınettiń terezesinen syrtqa sekirip ketip, jazym bola jazdady. Abyroı bolǵanda, kabınet ǵımarattyń ekinshi qabatynda ornalasqan eken, odan jerge sekirip túsken azamat aman qaldy.
QazTAG-tyń habarlaýynsha, atalmysh oqý ornynyń basshysyn ustaý operasııasyn qarjy polısııasy jedel izdestirý sharasy aıasynda júrgizipti. Quqyq qorǵaý organy qyzmetkerleri onyń para alyp jatqan jerinde kelip qalǵan eken. Sosyn dırektor myrza budan qutylýdyń jalǵyz joly terezeden sekirip ketý dep eseptese kerek.
Derekkóz anyqtaǵandaı, kolledj dırektory 2007 jyldan beri ashana bólmesin jaldap otyrǵan jalgerden aı saıyn 200 myń teńge aqsha alyp kelgen. Qazir paraqor basshy aýrýhanada jatqan kórinedi. «Ol Qalqamanda emdelip jatyr. Alyp bara jatqan jaraqaty joq. Biraq mıy shaıqalǵan», - delingen habarlamada.
58 jastaǵy Taqabaev atalmysh kolledjdi 2005 jyldan beri basqaryp keledi. Ol sondaı-aq Qazaqstan Parlamenti Senatynyń depýtattyǵyna úmitker kórinedi.
Qurysh Nurymbet.
