«Qazaqstan - zaıyrly memleket, sondyqtan Konstıtýsııa barlyq azamattarǵa birdeı quqyq, olardyń ar-namysy men qadir-qasıetin qurmetteýge kepildik beredi. Onyń ishinde biz áleýmettik jelilerdegi bireýdiń ar-namysyna tıetin túrli jazbalar týraly aıtyp otyrmyz. Bul memlekettik áleýmettik tapsyrys aıasynda jasalǵan beınebaıanǵa da qatysty. Jergilikti ıdeologtar memleketimizdiń basty basymdyqtaryn umytpaı, beınerolıkterdiń mazmunyna muqııat qaraý kerek dep sanaımyn», - dep jazdy Aıda Balaeva.
Sondaı-aq mınıstr memlekettik tapsyryspen túsirilgen ónimderdi jarııalamas buryn iriktep alý kerek ekenin aıtty.
«Ákimdikter janynan arnaıy jumys toptary qurylyp, olar memlekettik tapsyryspen jasalatyn ónimderdi buqaralyq aqparat quraldarynda jáne áleýmettik jelilerde jarııalanbas buryn egjeı-tegjeıli taldap, iriktep alǵany durys», - dep jazdy mınıstr.
