07.06.2020j. saǵat 09:30 ýaqyty boıynsha oblysta «Covid-19» vırýsy taǵy 2 adamnan anyqtaldy. 2-ýi de sımptomsyz, aǵymdy koronavırýs jaǵdaıy bolyp anyqtaldy. Juqtyrǵandar Qyzylorda qalasynyń turǵyndary.
Qazirgi tańda jınaqtalǵan málimetterge sáıkes, koronavırýs ınfeksııasynyń tirkelýiniń erekshe tártibi engizildi.
«Aldaǵy ýaqytta maýsym aıynan bastap tirkelgen naýqastardy sımptomdy jáne sımptomsyz dep tirkeý qolǵa alyndy. Osy tártip boıynsha oblysymyzda sımptomdy koronavırýs ınfeksııasynyń aǵymymen tirkelgen naýqastar sany - 461, sımptomsyz tirkelgenderdiń sany 50 bolyp naqtylandy» dep habarlady baspasóz máslıhatynda densaýlyq saqtaý basqarmasynyń basshysy Jaqsylyq Abdýsametov.
Búgingi kúnge Oblystaǵy ınfeksııalyq stasıonarda 127 naýqas em alýda. Onyń ishinde 4 naýqas jansaqtaý bóliminde. Bireýiniń jaǵdaıy óte aýyr dep baǵalanýda, IVL apparatyna qosylǵan. Úsheýiniń jaǵdaıy aýyr kúıinde qalýda.
Sondaı-aq, vırýs juqtyrǵandarmen baılanysta bolǵan - 5152 azamat anyqtaldy. Onyń ishinde, 2960 tikeleı qarym-qatynasta bolsa, 2192 janama baılanysta bolǵan.
Táýligine alynǵan 969 test synamasynyń 967-si teris mándi, 2-ýi oń mándi bolyp shyqty. Qalǵan synamalar tekserilý ústinde.
«Qurmetti oblys turǵyndary, statıstıkaǵa sáıkes, vırýstyń juǵý múmkindigi qarym-qatynas arqyly bolyp otyr. Vırýs aýa tamshylary arqyly juǵatyn bolǵandyqtan, ol kóbine sýly aýada kóp saqtalady. Sondyqtanda saqtyq sharalaryn qatań saqtap, betperde kııýdi jalǵastyra berýge shaqyramyz» delingen habarlamada.
