«Tilge qatysty kedergini joıý jónindegi mıssııamyzdy jalǵastyrý barysynda Microsoft Translator tilder tobyna qazaq tilin qosqanymyzdy qýana habarlaımyz. Qazaqsha ne Qazaq Tili Qazaqstanda, Qytaıdyń batysynda, Mońǵolııanyń batysynda, Reseıdiń ońtústiginde jáne álemniń basqa elderinde qoldanylady. Qazaqsha sóıleıtin 22 mıllıonǵa jýyq adam bar», delingen Microsoft kompanııasynyń resmı blogyndaǵy jazbada.
Qazaq tili endigi jerde Microsoft-tyń aýdarma jasaıtyn qoldanbalary, baptaýlary, Office baǵdarlamasy, Bing-ke arnalǵan aýdarmashyda jáne kásipkerler men baǵdarlama jasaýshylarǵa arnalǵan Azure Cognitive Services aýdarma qyzmeti sekildi jobalarynda qoljetimdi bolmaq.
Endi ınternet paıdalanýshysy kırıllısa álipbıimen terilgen mátindi Microsoft Translator-da qazaqshaǵa jáne taǵy basqa 60 shaqty tilge aýdarýǵa múmkindigi bar.
Bul – qazaq tiliniń qoldanys aýqymy keńeıip, salmaǵy artyp kele jatqanyn aıǵaqtaıdy. Memleket basshysy Qasym-Jomart Toqaev: «Qazaq tiliniń memlekettik til retindegi róli kúsheıip, ultaralyq qatynas tiline aınalatyn kezeńi keledi dep esepteımin», degeni esimizde. Endeshe, qazaq tiliniń mártebesin elimiz ǵana emes, búkil álem moıyndaı bastady desek, qatelespeımiz.
