Jarty jyl buryn ómirden ozǵan akter Andreı Panın óziniń artyna biraz jumbaq qaldyryp ketken sekildi. Bul týraly «Jızn» gazeti másele kóterdi.
Polısııa ol úıinde kezdeısoq qulaǵan kezde basynan qatty soqqy alǵan degen qorytyndyǵa keldi. Al akterdiń jaqyndary men týystary onyń qaıǵyly ólimine áli kúnge deıin sener emes.
«Andreı únemi sýret salatyn, – deıdi onyń anasy Anna Grıgorevna Panına. –Sol týyndylaryna qol qoımaıtyn jáne ózgelerge kórsete bermeıtin».
Onyń sýretterinde artyq dene músheleri bar túsiniksiz adamdar, túrli qubyjyqtar beınelengen. Andreıdiń eńbekterin zerttegen ónertanýshylar men psıhologtar onyń týyndylarynda tiri kezindegi kúızelisiniń syrlary bolýy múmkin degendi aıtady. Sondaı-aq akterdiń keıbir sýretterine qaraǵanda, ol óziniń ólimin aldyn ala sezgen sııaqty...
Aıdar О́risbaev.
