«Men, Shymkent qalasynyń Bas memlekettik sanıtarııalyq dárigeri Týlebaev Abdımanap Koshkarovıch, Qazaqstan Respýblıkasy «Halyq densaýlyǵy jáne densaýlyq saqtaý júıesi týraly» Kodeksiniń 7-1 baby 1 tarmaǵynyń 13 tarmaqshasynyń negizinde, 2020 jylǵy 22 mamyrdaǵy Qazaqstan Respýblıkasynyń Bas memlekettik sanıtarııalyq dárigeriniń №37 BMSDQ «Qazaqstan Respýblıkasynyń halqy arasynda koronavırýstyq ınfeksııa aýrýynyń aldyn alý jónindegi sharalardy odan ári kúsheıtý týraly» (ári qaraı-№37 QR BMSDQ) qaýlysyna, 2020 jylǵy 6 maýsymdaǵy Qazaqstan Respýblıkasynyń Bas memlekettik sanıtarııalyq dárigeriniń №39 BMSDQ «Qazaqstan Respýblıkasynyń Bas memlekettik sanıtarııalyq dárigeriniń 2020 jylǵy 22 mamyrdaǵy №37 qaýlysyna ózgerister men tolyqtyrýlar engizý týraly», koronavırýsty ınfeksııasymen syrqattanýshylyqtyń Shymkent qalasynda 7 kúnde 3,7% ósýine baılanysty, halyq arasynda COVID-19 taralýyna jol bermeý maqsatynda QAÝLY ETEMIN:
1. Shymkent qalasynyń aýmaǵynda 2020 jyly 8 maýsymynan bastap 2020 jyldyń 22 maýsymyna deıin karantın jáne shekteý sharalary uzartylsyn.
2. Qala turǵyndary, menshik nysanyna qaramastan Shymkent qalasynyń uıymdary men kásiporyndarynyń basshylaryna karantın aıaqtalǵanǵa deıin:
1) qoǵamdyq oryndarynda, onyń ishinde qalalyq qoǵamdyq kólikterinde jáne qyzmeti ruqsat etilgen nysandaryna barǵan kezde betperdelerdi kıip, qolǵaptardy kıip júrý (qyzmet kórsetý kezinde), antıseptıkterdi qoldaný jáne áleýmettik qashyqtyqtyń saqtalýy boıynsha talaptar qatań saqtalynsyn. Halyqqa qyzmet kórsetý nysandary qosymsha óz qyzmetkerlerin birret qoldanatyn qolǵaptarmen jáne qajettiligine sáıkes aýystyrý qamtamasyz etilsin;
2) asa qajettiliksiz qala aýmaǵynda qozǵalý shektelsin;
3) menshik nysanyna qaramastan kásipkerlik sýbektileri men uıymdary, personal men kelýshilerdiń sanıtarııalyq-karantındik talaptaryn jáne shekteý sharalaryn saqtaýǵa qatań baqylaý qamtamasyz etilsin.
3. Shymkent qalasynyń ákimine, Shymkent qalasynyń aýdan ákimderine, Shymkent qalasynyń jolaýshylar kóligi ján avtomobıl joldary basqarmasynyń basshysyna, Shymkent qalasynyń kásipkerlik jáne ındýstrıaldy-ınnovasııalyq damý basqarmasynyń basshysyna, Shymkent qalasynyń polısııa departamentiniń bastyǵyna, Shymkent qalasynyń memlekettik mekemelerdiń jáne úkimettik emes uıymdarynyń basshylaryna, kásipkerlik sýbektilerine:
1) qoǵamdyq avtokólikterge jolaýshylar betperdesiz kirgizilmesin;
2) qalada qoǵamdyq avtokólikterdiń qozǵalysy jolaýshylardyń aǵymyn eskere otyryp qamtamasyz etilsin (chas pık);
3) qalada qoǵamdyq avtokólikterdiń oryndarynan artyq jolaýshylar tasymaldanbasyn;
4) qoǵamdyq kólikterde sanıtarııalyq-dezınfeksııalyq jumystar kúsheıtilsin;
5) Shymkent qalasynyń aýmaǵyndaǵy barlyq bazarlarynyń (azyq - túlik, azyq-túlik emes, qurylys taýarlary, avtobólshekter, avtokólik, mal bazarlary) jumys ýaqytyn saǵat 06.00-den saǵat 19.00-ge deıin shektesin;
6) qoǵamdyq tamaqtaný oryndarynyń jumys ýaqyty 23.00-ge deıin bekitilsin, oryndyqtardy ornalastyrý jáne basqada talaptardyń qatań oryndalýy №37 BMSDQ qaýlynyń №17 qosymshasyna sáıkes oryndalsyn;
7) kásipkerlik sýbektileri men uıymdary menshik nysanyna qaramastan karantındik jáne sanıtarııalyq-epıdemııaǵa qarsy talaptarynyń oryndalýy kúsheıtilsin;
S aýda-oıyn ortalyqtarynyń, keshenderiniń, saýda úıleriniń aýmaǵynda ornalasqan kınoteatrlar,balalardyń oıyn alańdarynyń, muz alańdarynyń, batýt jáne fýdkorttardyń jumysyn bastaýǵa jol berilmesin.
4.Shymkent qalasynyń densaýlyq saqtaý jáne bilim berý basqarmalarynyń basshylaryna, Shymkent qalasynyń polısııa departamenti bastyǵyna:
1) densaýlyq saqtaý jáne bilim berý mekemelerinde, onyń ishinde UBT ótkiziletin kezde karantındik jáne sanıtarııalyq-epıdemııaǵa qarsy talaptardyń oryndalýyn kúsheıtýdi qamtamasyz etilsin;
2) nysandarda jáne olarǵa qarasty aýmaqtarynda adamdardyń shoǵyrlanýyna jol berilmesin.
5. Shymkent qalasynyń ákimine, Shymkent qalasynyń memlekettik mekemelerdiń jáne uıymdardyń,ulttyq kompanııalar jáne keńselerdiń basshylaryna 50% kem emes qyzmetkerlerdi(shtat boıynsha 30 qyzmetkerden kóp bolǵanda) qashyqtan jumys júrgizý tártibine ótkizýdi №37BMSDQ qaýlynyń №23 qosymshasyna sáıkes qamtamasyz etilsin.
6. Shymkent qalasynyń polısııa departamenti bastyǵyna, Shymkent qalasynyń tótenshe jaǵdaılar departamenti basshysyna, Shymkent qalasynyń aýdan ákimderine,Shymkent qalasynyń aýmaqtyq taýarlar men kórsetiletin qyzmetterdiń sapasy men qaýipsizdigin baqylaý basqarmalarynyń basshylaryna:
1) shomylý, demalys oryndarynda adamdardyń shoǵyrlanýyna jol bermeý boıynsha sharalar qabyldasyn;
2) kópshilik is-sharalardy jeke úılerde jáne basqada oryndarda (jalǵa alynǵan oryndar, alańdar, aýlalar jáne t.b.) ótkizilýine jol bermeý sharalary qabyldansyn.
7. Shymkent qalasynyń aýdan ákimderi, Shymkent qalasynyń aýmaqtyq taýarlar men kórsetiletin qyzmetterdiń sapasy men qaýipsizdigin baqylaý basqarmalarynyń basshylary, Shymkent qalasynyń polısııa departamentiniń bastyǵy kelesi jumystardy kúsheıtsin:
1) jumysyn qaıta bastaǵan nysandaryna monıtorıng júrgizilýi qamtamasyz etilsin;
2) karantın kezeńinde karantındik jáne sanıtarııalyq-epıdemııaǵa qarsy talaptarynyń buzylýyn anyqtap, ákimshilik sharalar, onyń ishinde nysannyń qyzmetin toqtatý týraly normatıvtik quqyqtyq aktilerine sáıkes sharakórilsin.
8. Osy qaýly barlyq múddeli mekemelerge joldansyn, BAQ jáne áleýmettik jeliler arqyly halyqqa jetkizilsin.
9. Menshik túrine qaramastan barlyq jeke jáne zańdy tulǵalarmen qaýlynyń oryndalýy mindetti.
10. Osy qaýlynyń oryndalýyn baqylaýdy óz quzyrymda qaldyramyn.
11. Osy qaýly 2020 jylǵy 8 maýsymynan bastap kúshine enedi», delingen resmı qaýlyda.
