Azamattar mamyr aıynda HQO-tary ashylǵannan keıin kóbine jeke kýálik pen pasport alý úshin júgingen. Aldyn ala esepteýler boıynsha 5 myńǵa jýyq azamat jeke basyn kýálandyratyn qujatyn jańartqan.
Ekinshi orynda avtokólikti qaıta tirkeý qyzmeti. Mamyrda avtokólik ıeleri Shymkenttegi mamandandyrylǵan HQO-tarynda 20 myńnan astam kólikti qaıta tirkegen.
HQO-ynyń ashylýyn jyljymaıtyn múlik ıeleri de kútti. Azamattar jyljymaıtyn múlikke quqyqtardy (aýyrtpalyqtardy) memlekettik tirkeý qyzmeti úshin HQO-yna 2 myńnan astam ret júgingen.
Tórtinshi orynda júrgizýshi kýálikterin aýystyrý jáne berý qyzmeti. Mamyr aıynda 6 myńǵa jýyq qujat rásimdelgen.
Karantınnen keıingi suranysqa ıe besinshi qyzmet – áleýmettik qaýip-qater jaǵdaıynda áleýmettik járdemaqylar taǵaıyndaý qyzmeti. Bul negizinen júktilik jáne bosanýǵa baılanysty beriletin tólem. Ony 5 myńnan astam júkti áıel alǵan.
Shymkent qalasyndaǵy HQO-nyń jumysy qaıta jandanǵannan beri 44 myńǵa jýyq memlekettik qyzmet kórsetildi.
Esterińizge sala keteıik, tótenshe jaǵdaı rejımi alynyp tastalǵannan keıin HQO ǵımarattarynda azamattardyń jınalýyn jáne qyzmet alýshylardyń vırýsty juqtyrý jaǵdaılaryn boldyrmaý úshin HQO egov.kz portalynda qoljetimsiz jáne tek aldyn ala brondaý arqyly «qaǵaz» júzinde kórsetiletin qyzmetterdi (106 memlekettik qyzmet) ǵana usynady.
HQO-yna kezekti egov.kz portaly, eGovKzBot2.0 telegram-boty nemese 1414 baılanys ortalyǵyna qońyraý shalý arqyly brondaýǵa bolady.
