Otandyq bıznes ókilderiniń jetistigi

Birikken Arab Ámirlikterindegi iri bıznes ortalyǵy Dýbaıda Halyqaralyq bıznes konfederasııasynyń (WORLDCOB) kezekti basqosýynan otandastarymyz erekshe qurmetke bólenip oraldy.

Shtab-páteri AQSh-tyń Hıýs­ton qalasynda ornalasqan bul dúnıejúzilik uıym alty baǵyt boıynsha qyzmet kórsetedi. Onyń bastylary: iskerliktiń jetilgenin halyqaralyq moıyndaý, sertıfıkattardyń korporatıvti áleýmettik jaýapkershiligin taný, bıznes mámilelerin jasaý, kásipkerlik pen iskerlik aqparattar almasý jáne taǵy basqalary.

Birikken Arab Ámirlikterindegi iri bıznes ortalyǵy Dýbaıda Halyqaralyq bıznes konfederasııasynyń (WORLDCOB) kezekti basqosýynan otandastarymyz erekshe qurmetke bólenip oraldy.

Shtab-páteri AQSh-tyń Hıýs­ton qalasynda ornalasqan bul dúnıejúzilik uıym alty baǵyt boıynsha qyzmet kórsetedi. Onyń bastylary: iskerliktiń jetilgenin halyqaralyq moıyndaý, sertıfıkattardyń korporatıvti áleýmettik jaýapkershiligin taný, bıznes mámilelerin jasaý, kásipkerlik pen iskerlik aqparattar almasý jáne taǵy basqalary.Sońǵy ýaqytta ǵana uıym Parıjde, Gavaıda, Los-Gavosta jáne basqa qalalarda álemniń alpys bes eliniń irgeli kompanııalary men kásiporyndary ókilderin semınarlar men bıznes-forýmdarǵa shaqyrdy. Kásiptik daıarlyqty arttyrýǵa arnalǵan semınarlar ótkizdi. Álemdik usynystardy jáne ekonomıkalyq jańalyqtardy birneshe tilde sol sátte jetkizip turatyn veb-portal qyzmetin paıdalanýshylar mıllıondap sanalady. О́z qatarynda úsh myńnan astam múshesi bar. Keıbir múshe korporasııalar men kompanııalarda ondaǵan myń adam jumys isteıdi. Álemdegi bıznestiń damýyn qoldaý salasynda Halyqaralyq bıznes konfederasııasy yqpaldy jáne jetekshi uıymdardyń qatarynda tur.

Osy uıymnyń sońǵy jyldary Qazaqstanmen qarym-qatynasy bastalyp, Qazaqstannyń irgeli kompanııalary turmaq, ortasha jáne shaǵyn bıznesiniń tabystary WORLDCOB arqyly álemge nasıhattalyp jatyr.

– Qazaqstannyń naryqtyq eko­no­mıkany tabandy túrde jú­zege asyrǵan saıasatyn bilemiz jáne Prezıdent Nursultan Nazar­baev­tyń bul baǵytyn qoldaımyz, – deıdi Halyqaralyq bıznes kon­federasııasynyń vıse-prezıdenti Mıhael Bellıdo. – Qazaq eliniń isker toptary men kásipkerleri saýatty jumys isteıdi. Olardyń bıznesti ashyq jáne halyqaralyq talaptarǵa sáıkes júrgizýi bizdiń konfederasııa tarapynan laıyqty baǵasyn alyp júr. Jáne óz tarapymyzdan úlkendi-kishili bıznestiń barlyq túrine kómek beremiz. Aqyl-keńesten bastap, tehnologııanyń eń sońǵy jetistikterine deıin usynýǵa daıynbyz.

Uıym jetekshileriniń bul málimdemesi Dýbaıda qazaqstandyq bıznes ókilderimen kezdesý ba­ry­synda aıtyldy. Oǵan Mı­hael Bellıdomen birge sertıfı­kattardyń korporatıvti áleýmettik jaýapkershiligi salasynyń dırektory Danıel Javıer myrza da qatysyp, óziniń Qazaqstanǵa degen yqylasyn jetkizdi.

Atalmysh halyqaralyq uıym­nyń bıznes salasy maıtalmandaryn marapattaý saltanatynda munaı men gaz salasynan bastap, dári-dármek pen boıaý óndirisine deıingi san qyrly óndiris ókilderi óz eńbekteriniń laıyqty baǵasyn aldy. Alǵashqy qurmet osy bas­qosýdy óz jerinde ótkizip otyrǵan BAÁ kompanııalarynan bastalyp, arabtyń ulttyq kıimindegi she­rýdi Omannyń, Qatardyń, Saýd Arabııasynyń, Bahreınniń ókilderi jalǵastyrdy. Jeńimpazdar arasynda Mysyr, Sırııa, Lıvııa, Aljır jáne Týnıstiń bolmaýy da túrli oılarǵa jeteleıdi. Eldiń saıa­sı ómirinen maza ketse, odan aldymen bıznestiń zardap shegetini osy tusta aıtpasa da túsinikti boldy.

Eýropanyń jańa serpinmen damyǵan Polsha, Vengrııa, Rýmynııa sııaqty memleketteriniń, Latyn Amerıkasynyń qýatty Brazılııasynan bastap Meksıka, Perý, Chılı, Venesýela, Bolıvııa jáne basqa elderiniń túrli kompanııa, kásiporyndarynyń jetken jetistikteri laıyqty mara­patqa ıe boldy. Bilim, medısına salalaryndaǵy kompanııa­lar men uıymdar da jıi atalyp jatty. Ortalyq jáne Latyn Amerı­kasynyń elderi sonaý 2006 jyldan beri WORLDCOB arqyly álemge tanylýdy maqsat etip keledi. Sondyqtan onyń kórmesi men konkýrstaryna belsendi qatysyp, jeńimpaz atanýǵa tyrysady. Sahnadan sóz alǵan ókilder bıznesti keńeıtý men bilimderin tereńdetýde halyqaralyq konfederasııanyń kómegi kóp tıgenin aıtyp ótti.

Afrıka elderiniń ókilderi, onyń ishinde munaıly Nıgerııanyń, damyǵan Ońtústik Afrıka Res­pýblıkasynyń jetistikterin aıtpaǵanda, Senegal, Botsvana, Mozambık, Gana, Chad, Zambııa syndy elderdiń ókilderi bireýi teri óńdeýden, kelesisi bank-qarjy isterin uıymdastyrýdan, úshinshisi týrızmnen óz jetistikterine oraı qurmet pen qoldaýǵa ıe boldy. Olardyń mundaı bedeldi nagrada jolyndaǵy básekege qatysqanyna bes jyl bolypty.

Tehnologııa, mashına jasaý, kom­pıýter men elektrondy qu­raldar shyǵarý salasynyń lıderleri qatarynda Túrkııa, Kambodja jáne basqa elderdiń attary atalǵanda qonaqtar qurmetpen qol soqty. TMD elderi arasynda Reseı, Ázerbaıjan jáne Qazaqstan kompanııalary top jaryp shyqty. Ásirese, qazaq pen orys kásiporyndary men mekemeleriniń attary kóbirek ataldy. Bul da qaı eldiń qanshalyqty deńgeıde damyǵanyn aıǵaqtaıdy.

Qazaq elinen alǵashqy bolyp «Q.Másimovtiń den saýyqtyrý ortalyǵy» kásiporny osy kon­federasııanyń úlken jıynyna qatysyp otyr. Bul – Qazaqstan ǵana emes Ortalyq Azııada alǵash ret týberkýlez ben qaterli isikterdi jolaq-test arqyly anyqtaýdy jolǵa qoıǵan ortalyq. Ol úshin Ońtústik Koreıa óndirýshilerimen tyǵyz qarym-qatynas ornatqan. Almatyda osyndaı jolaq-test taıaqshalar shyǵaratyn zaýytty iske qosqan. Test-jolaqtary boıynsha 17 túrli aýrýdy anyq­taıtyn apparattardy bu­ǵan deıin Ońtústik Koreıadan tek AQSh pen Japonııa sııaqty eń damyǵan elder satyp alǵan. Ortalyq Azııa aımaǵynda, tipti Reseı bastaǵan Shyǵys Eýropada bul jańalyqqa eshbir eldiń qoly jete qoımaǵan. «Q.Másimovtiń den saýyqtyrý ortalyǵy» bolsa Semeı, Qyzylordadaǵy onkologııalyq aýrýlardy emdeıtin aýrýhanalarǵa suıyq sıtologııalyq dıagnostıkaǵa arnalǵan eki apparatty tegin tartý etken-di. Árqaısysy 200 myń dollar bolatyn mundaı apparattar basqa da oblystarǵa jetkizilip jatyr. Osy eńbekteri úshin qazaqstandyqtar ǵana emes, endi mine, álemniń bıznes marqasqalary da Qajymqan Másimov pen kásip­orynnyń bas dırektory Qalelhan Imanmádıge qol soǵyp, qurmet kórsetti.

Arab eliniń sahnasynda tap­sy­rylǵan dıplomǵa da, osy bas­qosýǵa jiberilgen shaqyrtýǵa da Ha­lyqaralyq bıznes konfe­dera­sııa­synyń prezıdenti Joze Morgan qol qoıǵan. О́z sózinde ortalyq basshysy Qajymqan Másimov adamzattyń qaterli dertterdi aýyzdyqtaý joryǵynan tys qalmaı, oǵan óz úlesterin qosatyndyqtaryn jetkizdi jáne Halyqaralyq bıznes konfe­derasııa­syna Qazaq eliniń sımvoly bolyp tabylatyn qanatty barys ústindegi «Altyn adam» músinin tartý etti.

Álemdik bıznestiń alǵa ozǵan serkelerin marapatqa bólegen bul basqosýda taǵy birneshe qa­zaq­standyq bıznes ókilderi syı-sııapatqa ıe boldy. Munaı-gaz salasynda Arab, Nıgerııa ókilderimen birge «Qazgermunaı» birlesken kásiporny laıyqty baǵasyn alsa, al bank, bırja salalarynda jetistikke jetken astanalyq, oraldyq iskerler boldy. Jáne bir qýanyshtysy, Almaty men Astananyń tabysy ortasha qyzmet­shileri men stýdent jastaryn arzan, jedel jáne ystyq aspen qamtamasyz etip otyrǵan «Qaǵanat» kásiporny óz salasynda marapatqa ıe bolyp, elimizdiń mártebesin taǵy bir bıik belesten kórsete bildi.

Qanat ESKENDIR,

«Egemen Qazaqstan».

ALMATY.