Tártip saqshysy Túrkistandaǵy «Otyrar» shaǵyn aýdanyndaǵy úılerdiń birinen shyqqan órtten úsh azamatty aman alyp shyqqan. Dereý kómekke barǵan olar úıden egde jastaǵy eki qarııa men onyń qyzyn qutqarǵan. О́rt sóndirý qyzmeti men jedel járdem shaqyryp, zardap shekkenderge medısınalyq kómek kórsetken. Qýanyshqa oraı, úı ıeleri zardap shekken joq.
– Qasymda eki áskerı erikti boldy. Iаǵnı Shahrýh Jýrabekov pen Maqsat Jumanazarov esimdi jigittermen ózimizge berilgen aýmaqtaǵy qoǵamdyq tynyshtyqty qadaǵalap júrgen bolatynbyz. «Otyrar» shaǵyn aýdanyndaǵy úılerdiń biriniń kire berisinen tútin shyǵyp, halyq shýlap ketti. Dereý baryp ishke endik. Úı turǵyndaryn qaýipsiz aýmaqqa shyǵaryp, kómek kórsettik, – deıdi ol.
Abyroı bolǵanda zardap shekkender joq. Turǵyndar da tez arada kómekke kelgen tártip saqshylaryna rızashylyqtaryn aıtyp, alǵystaryn bildirgen.
Ádilbek Keles aýdanynda dúnıege kelgen. Jergilikti jerdegi mektepti bitirgen soń, Qostanaıda joǵary bilim alady. Ishki ister salasyndaǵy eńbek jolyn ýchaskelik polısııa ınspektory bolyp bastaıdy. Jumysqa ornalasqanyna áli jyl tolmaǵan tártip saqshysy, qyzmet babynda qyraǵylyǵymen kózge túsip, kópshiliktiń ystyq yqylasyna bólendi.
Ýchaskelik polısııa ınspektory qazirgi kezde ózine belgilenip berilgen aýmaqtyń tynyshtyǵyn kúzetý, qoǵamdyq tártipti qamtamasyz etý jáne qylmystyń aldyn alý baǵytynda eńbek etip júr.
– Jumys barysynda halyqpen tyǵyz qarym-qatynas ornatamyz. Máselelerin tyńdap, jaǵdaıdy únemi baqylaýda ustaımyz. Halyqqa árdaıym kómek berip, qoldaý kórsetý – bizdiń azamattyq boryshymyz, – deıdi polısııa leıtenanty.
Qaırat ZAINIShEV
