Qazaqstan Respýblıkasynyń Syrtqy ister mınıstri Erlan Ydyrysov óziniń Ońtústik Amerıka elderine saparyn aıaqtady. Sapardyń sońǵy máresi Brazılııa boldy. Ol onda eldiń astanasy – Brazılıa qalasynda resmı kezdesýler ótkizip, Brazılııanyń ındýstrııalyq-qarjylyq ortalyǵy bolyp tabylatyn San-Paýlý qalasynda alǵash ret uıymdastyrylǵan Qazaqstan-Brazılııa bıznes-forýmyna qatysty, dep habarlady QR SIM-iniń baspasóz qyzmeti.
Qazaqstan Respýblıkasynyń Syrtqy ister mınıstri Erlan Ydyrysov óziniń Ońtústik Amerıka elderine saparyn aıaqtady. Sapardyń sońǵy máresi Brazılııa boldy. Ol onda eldiń astanasy – Brazılıa qalasynda resmı kezdesýler ótkizip, Brazılııanyń ındýstrııalyq-qarjylyq ortalyǵy bolyp tabylatyn San-Paýlý qalasynda alǵash ret uıymdastyrylǵan Qazaqstan-Brazılııa bıznes-forýmyna qatysty, dep habarlady QR SIM-iniń baspasóz qyzmeti.
BFR SIM-inde ótken kelissózder aıasynda eki eldiń syrtqy saıasat vedomstvolarynyń basshylary jahandyq máseleler jıyntyǵy men ekijaqty yntymaqtastyq máselelerin talqylady. L.Fıgeıredý eki memleket arasynda dıplomatııalyq qarym-qatynas ornaýynyń 20 jyldyǵy qarsańynda Brazılııa aımaǵyna qazaqstandyq mınıstrdiń alǵash ret resmı sapar jasap otyrǵanyn atap ótti.
Qazaqstan men Brazılııa arasyndaǵy seriktestiktiń tarıhy baı. Elbasynyń 2007 jyly Brazılııa memleketine jasaǵan sapary eki aımaqtyq kóshbasshylardyń qarym-qatynasyn áriptestik deńgeıine kóterdi. BFR Prezıdenti L.I.Lýla da Sılvanyń 2009 jyly Qazaqstanǵa sapary bul áriptestikti nyǵaıta tústi. Brazılııa aımaqtyń iri ekonomıkasy men G-20 jáne BRIKS klýbynyń múshesi bola otyryp, sońǵy jyldary jahandyq deńgeıde mańyzdy oıynshy bolyp tabylady. Qazaqstan bul memleketpen aýyl sharýashylyǵy, mashına jasaý, túrli saladaǵy joǵary tehnologııalar, azamattyq avıasııa men energııa óndirisi sekildi kóptegen salalarda yntymaqtasýda. Qazirgi tańda qazaqstandyq áýe kompanııalary syıymdylyǵy 110 jolaýshy bolatyn orta magıstraldi reaktıvti ushaqtar sektorynda kóshbasshylardyń biri bolyp tabylatyn brazılııalyq «Embraer» ushaǵyn ıelenýde.
Itamarachıdegi (BFR SIM ǵımaraty) kelissóz nátıjesinde eki eldiń mınıstrleri kelesi qujattarǵa: Ekijaqty saıası, ekonomıkalyq, saýda jáne ınvestısııalyq únqatysý jónindegi memorandým men Sport salasyndaǵy yntymaqtastyq memorandýmyna qol qoıyp, Jahandyq sıpatyndaǵy eki eldiń ustanymy men ekijaqty máseleler qamtylǵan birlesken málimdeme qabyldady.
О́ziniń Brazılıa qalasyna sapary aıasynda E.Ydyrysov Rıo-Branko atyndaǵy Dıplomatııalyq akademııanyń tyńdarmandary men professorlyq-oqytýshylar quramynyń aldynda sóz sóıledi. Brazılııalyq jas dıplomattar qazirgi Qazaqstan jaıly tereń bilimderin kórsetip, QR-nyń áleýmettik-ekonomıkalyq reformalarymen, elimizdiń tarıhymen tanys ekendikterin baıqatty jáne kórshiles memlekettermen qarym-qatynastarymyzǵa, aımaqtyq birlestiktegi rólimizge, Qazaqstannyń syrtqy saıasatyndaǵy basymdyqtaryna qyzyǵýshylyq tanytty.
Rıo-Branko atyndaǵy Dıplomatııalyq akademııa BFR SIM-niń quramyna kirip, aımaqtaǵy jetekshi mamandandyrylǵan oqý orny bolyp tabylady. Bul akademııada Eýropa, Azııa, Afrıkadan kelgen stýdentter oqıdy. E.Ydyrysov brazılııalyq áriptesi Lýıs Albertý Fıgeıredýmen Rıo-Branko atyndaǵy Dıplomatııalyq akademııasy men QR Prezıdenti janyndaǵy Memlekettik basqarý akademııasynyń dıplomatııalyq ınstıtýty arasyndaǵy seriktestik týraly memorandýmǵa qol qoıdy.
Brazılııa astanasyna saparynyń resmı baǵdarlamasy Qazaqstannyń Dıplomatııalyq ókildiginiń saltanatty ashylý rásimimen aıaqtaldy. Atalǵan is-sharaǵa BFR Syrtqy ister mınıstri, Brazılııa astanasynyń meri Brazılııa qoǵamdyq-saıası jáne isker toptarynyń ókilderi qatysty.
Rásim barysynda E.Ydyrysov óziniń brazılııalyq áriptesi L.Fıgeıredýmen birge Eki eldiń azamattaryna vızalyq talaptardy joıý týraly kelisimge qol qoıdy. Mınıstrler kelisim kúshine engen sátten bastap eki el azamattarynyń vızalyq rásimdersiz Qazaqstan men Brazılııa elderine emin-erkin barýlaryna bolatyndyǵyn atap ótti.
San-Paýlý qalasynda qazaqstandyq mınıstr Brazılııadaǵy “Fiesp” ónerkásipshilerdiń iri federasııasynyń qoldaýymen “Kaznex Invest” eksporttar jáne ınvestısııalar jónindegi ulttyq agenttigi tarapynan uıymdastyrylǵan Qazaqstan-Brazılııa bıznes-forýmyna qatysty.
Qazaqstandyq SIM basshysynyń sapary jergilikti BAQ-tardyń da qyzyǵýshylyǵyn týdyrdy. Sapary barysynda E.Ydyrysov «Brazılııa TV», «Senat TV» sııaqty tanymal telearnalarǵa, sondaı-aq, birneshe brazılııalyq gazetterge suhbat berdi. Jýrnalısterdi qyzyqtyrǵan basty taqyryp Qazaqstannyń halyqaralyq máselelerge degen kózqarasy boldy.
