«Samuryq-Qazyna» AQ basqarmasy kezekti otyrysynda úsh máseleni talqylady. Sóıtip, birinshi jartyjyldyq pen qordyń 2012-2022 jyldarǵa arnalǵan damý strategııasynyń oryndalý barysy týraly esepteri tyńdaldy.
Jınalysta qordyń kompanııalar tobynyń ákimshilik-basqarý qyzmetkerleriniń sanyn qysqartý, sondaı-aq enshiles kompanııalarda korporatıvti basqarýdy jetildirý sharalary da qarastyryldy.
«Samuryq-Qazyna» AQ basqarmasy kezekti otyrysynda úsh máseleni talqylady. Sóıtip, birinshi jartyjyldyq pen qordyń 2012-2022 jyldarǵa arnalǵan damý strategııasynyń oryndalý barysy týraly esepteri tyńdaldy.
Jınalysta qordyń kompanııalar tobynyń ákimshilik-basqarý qyzmetkerleriniń sanyn qysqartý, sondaı-aq enshiles kompanııalarda korporatıvti basqarýdy jetildirý sharalary da qarastyryldy. «Samuryq-Qazyna» AQ-tyń basqarýshy dırektory Nurlan Rahmetovtiń sózine qaraǵanda, bıyl qordyń kompanııalar tobynda 2356 ákimshilik qyzmetkerdi jumysynan bosatý kózdelipti. Bul shara Memleket basshysynyń ulttyq kompanııalardaǵy basqarý apparattarynyń qurylymdaryn ońtaılandyrýǵa baılanysty 2012 jyldyń basynda bergen tapsyrmasyn oryndaý maqsatynda qolǵa alynyp otyr eken. О́tken jyly qor kompanııalarynda 2210 qyzmetker jumystan qysqartylypty. Sonymen, byltyrǵy jyldyń qorytyndysy boıynsha ákimshilik-basqarý ujymy 29 790 adamdy quraǵan. Qyzmetkerlerdi qysqartýdyń nátıjesinde eńbekaqyǵa jumsalatyn shyǵyndar 7 mlrd. teńgege azaıǵan.
Otyrysta qor tobyndaǵy korporatıvtik basqarýdy jetildirýge baǵyttalǵan birqatar qujattar da maquldandy. Atap aıtqanda, enshiles uıymdaryn basqarý jónindegi reglament, 2014 jylǵa arnalǵan korporatıv kúntizbesi, sondaı-aq qordyń dırektorlar keńesinen jáne enshiles kompanııalardyń baqylaý keńesterinen keler jylǵa jasaǵan boljamdary bekitildi. Kórsetilgen qujattar ekonomıkasy damyǵan elderdiń korporatıvti basqarý tájirıbeleri negizinde daıyndalǵan. Buıyrtsa, osy qujattar aksııa ıelenýshi retinde kompanııalarmen qarym-qatynasty júıelendirýge baǵyttalady. Sóıtip, qor qyzmetindegi barlyq basqarý úrdisterin baılanystyryp, dırektorlar keńesiniń ýákildikterin kúsheıtpek. Sonymen birge, qordyń strategııalyq holdıng úlgisine ótýine jaǵdaı jasaıtyn kórinedi. Bul bastamalar qor tobyndaǵy korporatıvti basqarýdy jetildirýdegi batyl qadamdar bolyp otyr.
Qor basqarmasy birinshi jartyjyldyqta damý strategııasyn júzege asyrý jónindegi is-sharalar josparynyń oryndalý nátıjelerimen de tanysty. Bul jospar 11 iri enshiles uıymnyń strategııalyq kórsetkishteri men ınvestısııalyq jobalaryn qamtıdy. Esepke qaraǵanda, jyldyń alǵashqy jartysynda 217 is-shara júzege asyrylypty.
Nurbaı ELMURATOV,
«Egemen Qazaqstan».
