Petropavldyń 31 jastaǵy turǵyny «Chevrolet Cruze» avtomashınasyn satyp alǵan soń úıine jetkenshe shydaı almaı, ony birden «jýǵanyna» qazir ókinishin jasyra almaı otyr. Nápaqasyn aýyr júk mashınalarymen alysqa júk tasýmen aıyratyn ol endi rólge otyrý quqynan qosa aırylady.
Jigit avtoturaqtan jańa mashınasyna minip, shyǵyp kele jatqanda ustaldy. Onyń mashınany qısalańdata júrgizgeninen birden sezik alǵan avtopatrýlder ustaǵanda qýanyshyn jasyra almaǵan ol «jýýdy» jalǵastyrýǵa bet alǵanyn da aıtyp qalǵan... «Qazir esin jıǵan júrgizýshi ókinishin jasyra almaı, qatty qınalýda. Araq ishken soń rólge otyrǵannyń ózi qylmys ekenin, mundaıdyń aıaǵy tek JKO-men bitetinin ol oılamaǵan bolyp shyqty. Patrýldik polısııa mundaı faktilerdi kózden tasa qylmaı ustaýǵa tyrysady», deıdi SQO PD bastyǵynyń birinshi orynbasary, polkovnık Qanat Aıtbaev.
Jalpy, jyl basynan beri SQO joldarynda rólge araq iship alyp otyrǵan 368 júrgizýshi ustaldy. Olardyń kesirinen 4 úlken JKO bolyp, eki adamnyń ómiri qıyldy jáne eki adam áli kúnge aýyr jaraqattan emdelýde.
Soltústik Qazaqstan oblysy
