Burnaǵy kúni Astananyń «Astana-Arena» sport kesheninde Eýropa lıgasy toptyq saıysy 2-týrynda Qaraǵandynyń «Shahteri» men Izraıldiń Haıfa qalasynyń «Makkabıi» kezdesti. Tartysty ótken match 2:2 esebimen teń aıaqtaldy.
Burnaǵy kúni Astananyń «Astana-Arena» sport kesheninde Eýropa lıgasy toptyq saıysy 2-týrynda Qaraǵandynyń «Shahteri» men Izraıldiń Haıfa qalasynyń «Makkabıi» kezdesti. Tartysty ótken match 2:2 esebimen teń aıaqtaldy.
Bul, bir birine-biri uqsaı bermeıtin eki taımnan quralǵan oıyn boldy. Onyń birinshisinde «Shahter» aıtarlyqtaı basymdyq kórsetse, ekinshisinde, «Makkabıdiń» degeni júrip jatty. Kezdesýdiń esepteri de soǵan oraı ózgerip turdy.
Al «Shahter» matchty shynynda da jaman bastaǵan joq. Kenshiler alǵashqy 15 mınýtqa deıin qarsylastaryn óz alańdary mańyna qysyp ustap, tipti, shabýyl týraly oılaýǵa da mursha bermedi. Biraq qaraǵandylyqtar bul basymdyqtan tıisti nátıje shyǵara almady.
Shamamen, taımnyń ortasyna qaraı qonaqtar es jıyp, alań ıeleri qaqpasyna qaraı alǵashqy joryqtaryn uıymdastyrdy. Sol mezetterde olar birer ret qaqpaǵa shyn qaýip te tóndirip úlgerdi. Osy tusta qonaqtar birinshi ret buryshtama berip kórdi. Degenmen, bul alma-kezek shabýyl sáti tym uzaqqa sozylǵan joq. Sodan keıin «Shahter» qaıtadan atqa qondy. Bizdiń jigitterdiń endigi qarqyndary tipti kúsheıe tústi. Sondaı shabýyldardyń birinde, 40-mınýtta komanda kapıtany Andreı Fınonchenko áýelep kelgen dopty baspen qatty uryp, dál mańdaıshanyń astyn solq etkizdi. Arada bar-joǵy 5 mınýt ótkennen keıin qaraǵandylyq Evgenıı Tarasov qaqpashymen betpe-bet kelgen sátin keremet paıdalanyp, taǵy bir goldy soǵyp ketti.
О́kinishke qaraı, ekinshi taım tutastaı derlik qonaqtardyń ústemdigimen ótti. Izraıl fýtbolshylary barǵan saıyn bizdiń qaqpaǵa qaraı qaýipti shabýyldardy kóbeıte berdi. Buǵan qonaqtar sapynda oıynshylar almasqany da aıtarlyqtaı serpin berdi. Olardyń esepti teńestirgen eki oıynshysy da solar boldy. Aldymen Ezra 54-mınýtta bir doptyń qarymtasyn qaıtarsa, 79-mınýtta Týrgeman tarazy basyn teńestirdi. Biraq meımandar budan keıin de tynshý tappady. Qaraǵandylyqtardyń arasynda birer ret qarsy qaqpa mańyna barǵany bolmasa, qalǵan ýaqyttardyń bárinde alań ıeleriniń darbazasy tóbesinde Damokldiń qylyshy jalańdap turǵandaı kórindi. Oıyn da haıfalyqtardyń osyndaı joıqyn joryqtary ústinde sońyna jetti.
Osylaısha, Qazaqstan komandasy Eýropa lıgasyndaǵy óziniń eń alǵashqy upaıyn aldy. Kelesi týrdyń oıyndary 24 qazan kúni oınalady. Bul kúni «Shahter» Gollandııanyń AZ (Alkmaar) komandasymen kezdesedi. Sodan keıin osy ujymnyń alańyna baryp oınaıdy.
Rýslan IGILIK.
(Týrdaǵy qalǵan oıyndardyń nátıjelerin egemen.kz, egemennews.kz saıttarynan kóre alasyzdar).
