"Buǵan deıin Almaty ákimdigi krematorııi bar patologoanatomııalyq bıýronyń (máıithananyń) qurylysyna jobalaý-smetalyq qujattamany ázirleý josparlanǵan edi. Alaıda jetkilikti qarjynyń bolmaýyna baılanysty krematorıı salý máselesi keıinge qaldyryldy. Aǵymdaǵy jyldyń 9 sáýirinde Úkimettiń №187 qaýlysymen krematorıı qurylysyna qarajat bólý týraly sheshim qabyldandy",-dep habarlady ákimdiktiń baspasóz qyzmeti.
Qazirgi tańda jobalyq-smetalyq qujattamany ázirleý jumystary bastaldy. Budan ári, jobalaý-smetalyq qujattamany ázirleý jáne saraptamanyń oń qorytyndysyn alý shamasyna qaraı obektini salý máselesi qaralatyn bolady.
