Qonys aýdarýshy azamattar tolyǵymen qabyldaýshy óńirdiń kvotasyna engizilip, kóship barǵan otbasylardyń barlyq múshelerine sýbsıdııalar tólengen jáne olar jaldamaly turǵyn úımen qamtylǵan. Bul rette Jambyl oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Jorabek Baýbekov qonys aýdarýshylarǵa qaralǵan jeńildikterdi de atap ótti.
«Otbasy múshelerine, sondaı-aq, otbasylyq jaǵdaıyna qaramastan jalǵyzbastylarǵa bir ret 35 aılyq eseptik kórsetkish mólsherinde, kóshýge materıaldyq kómek otaǵasyna jáne árbir otbasy múshesine beriledi. On eki aı boıy aı saıyn turǵyn úıdi jalǵa alý jáne kommýnaldyq qyzmetterge aqy tóleý boıynsha shyǵystardy óteýge belgilengen mólsherde materıaldyq kómek kórsetiledi. Qalalyq jerlerge qonys aýdarǵandar úshin bir adamǵa 20 aılyq eseptik kórsetkish mólsherinde, otbasy músheleriniń sany ekeýden tórteýge deıin bolsa 25 aılyq eseptik kórsetkish mólsherinde, al otbasy músheleriniń sany beseý jáne odan kóp bolǵan kezde 30 aılyq eseptik kórsetkish mólsherinde tólenedi. Sonymen qatar, aýyldyq jerlerge qonys aýdarǵandar úshin bir adamǵa 15 aılyq eseptik kórsetkish mólsherinde, otbasy músheleriniń sany ekeýden tórteýge deıin bolǵan kezde 18 aılyq eseptik kórsetkish mólsherinde, al otbasy músheleriniń sany beseý jáne odan kóp bolǵan kezde 21 aılyq eseptik kórsetkish mólsherinde tólenedi», deıdi Jorabek Baýbekov.
Jambyl oblysy
