Sábı birden Tólebı aýdany Leńgir qalalyq juqpaly aýrýlar aýrýhanasyna jetkizilip, eki apta boıy em qabyldaǵan. Bilikti dárigerlerdiń shuǵyl túrde anyqtap, der kezinde emdik shara kórsetýiniń arqasynda sábı koronavırýs indetinen aıyǵyp shyqty. Dárigerler ókpeniń 2 birdeı qaýipti dertpen zaqymdalǵany bala ómirine úlken qaýip tóndirgenin aıtady. Qazir ol COVID-19 ınfeksııasynan emin tolyǵymen aıaqtap, taldamasynyń "teris" bolýyna baılanysty "oblystyq ftızıopýlmonologııa ortalyǵynda" týberkýlezge qarsy emin jalǵastyrýda.
"О́kpe aýrýyna ushyraǵan azamattar onsyz da álsiz keledi. Naýqastardy barynsha Sovid-19 ınfeksııasynan qorǵaýǵa tyrysamyz. Barlyq saqtyq sharalary qamtamasyz etilgen. Aýrýhanada tipti koronavırýsty erte anyqtaý maqsatynda arnaıy vırýsologııalyq zerthana qyzmet kórsetedi. Zerthana sońǵy úlgidegi apparattarmen jabdyqtalǵan. Mamandarymyz ony jaqsy meńgerip, halyqqa kórsetiletin medısınalyq qyzmet sapasyn arttyrýǵa óz úlesterin qosýda", - deıdi "Oblystyq ftızıopýlmonologııa ortalyǵynyń" bas dárigeri Bolathan Saǵymbekov.
Aıta ketelik, Túrkistan oblysynda búgingi kúnge deıin koronavırýs indetin 1 jasqa deıingi 10 bala juqtyrǵan. Olardyń segizi jazylyp shyqty. Ekeýi ınfeksııalyq gospıtaldarda em qabyldaýda.
Túrkistan oblysy
