Bul týraly óńirlik kommýnıkasııalar qyzmetinde ótken baspasóz konferensııasynda oblystyq taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy Batyrbek Álıev málim etti.
"Bir apta buryn jaǵdaı turaqty bolǵan", - dedi Batyrbek Álıev.
Degenmen sońǵy aptada jaǵdaı kúrdelene tústi. Sondyqtan karantın sharalaryn kúsheıtý qarastyrylýda. Bir kúnde kórsetkish 10,4 paıyzdy qurady. 1-7 maýsym aralyǵynda 30,1 paıyzǵa jetti. Aptanyń sońyna qaraı kúrt ósip ketti. Mundaı jaǵdaı karantın sharalaryn saqtamaý saldarynan oryn alyp otyr. Sondyqtan Ekibastuzda epıdemıologııalyq jaǵdaı turaqsyz bolyp tur. Aıtýynsha, qazirgi tańda karantın sharalaryn kúsheıtýge qatysty sanıtarlyq dárigerdiń qaýlysy ázirlenýde. Bul qujatqa sáıkes qoǵamdyq kólikterdiń qozǵalysyn saǵat altydan keshki 20.00-ge deıin, oıyn-saýyq-saýda ortalyqtary, qoǵamdyq tamaqtaný oryndary, saıabaqtar men skverlerdiń jumysyn shekteý qarastyrylýda. Sondaı-aq, monıtorıng toptarynyń jumysy kúsheıtiledi.
"Ásirese avtobýstarda maska taǵý rejımi kúsheıtiledi, áleýmettik qashyqtyqty saqtaý kerek", - deıdi óńirdiń bas sanıtarlyq dárigeri.
Buqaralyq jappaı sharalardy ótkizýge tyıym salynady. Karantın sharalaryn engizýdiń maqsaty – aýrýdyń ósý qarqynyn toqtatý. Aıta keterligi, Pavlodar oblysynda COVID-19-dyń 301 jaǵdaıy tirkelse, onyń 191-i Ekibastuz qalasyna, 102-si Pavlodarǵa tıesili.
