Sadaq atýdan tuńǵysh álem chempıonatynyń tusaýy sonaý 1931 jyly sol kezderi Polshanyń qaramaǵynda bolǵan Lvov qalasynda kesilgen edi. Sol kezden beri aıtýly jarystyń jalaýy 50 márte kesildi. Osy oraıda eń mol oljaǵa kenelgen AQSh pen Ońtústik Koreıanyń sportshylary ekenin aıta ketken abzal. Amerıkalyqtar 132 (63 altyn+37 kúmis+32 qola) júlde alsa, koreılikter 111 (59+27+25) ret jeńis tuǵyryna kóterildi. Odan keıingi oryndarda Shvesııa (18+20+20), KSRO (14+8+4) jáne Polsha (13+12+9) quramalary.
Sońǵy álemdik doda byltyrǵy jyldyń 10-16 maýsym aralyǵynda Nıderlandtyń Hertogenbos qalasynda ótti. Osy jarystyń jalpy komandalyq esebinde Ońtústik Koreıa kósh bastady. Olar 3 altyn, 2 kúmis jáne 3 qolany oljalady. Ekinshi oryndy Taıpeı (3+0+1) ıelense, AQSh (2+2+0), Qytaı (1+0+0) jáne Reseı (1+0+0) úzdik bestikti qorytyndylady.
