Parlament • 10 Maýsym, 2020

Konferensııaǵa qatysty

263 ret

kórsetildi

1 mın

oqý úshin

Parlament Senatynyń depýtattary Asqar Shákirov pen Tóleýbek Muqashev EQYU Parlamenttik Assambleıasy uıymdastyrǵan beınekonferensııaǵa qatysty. Onda Ortalyq Azııa elderiniń parlamentshileri arasynda koronavırýs indetine qarsy is-qımyl, ekonomıkalyq damý, zańnamalyq reformalar jáne parlamentaralyq únqatysý máseleleri boıynsha pikir almasyldy.

Egemen Qazaqstan

Senat Tóraǵasynyń orynbasary A.Shákirov óz sózinde COVID-19-ǵa qarsy kúres jónindegi jan-jaqty sharalar jáne onyń Qazaqstandaǵy zardaptary týraly aıtyp berdi. Kezdesýge qatysýshylar sondaı-aq Qazaqstan Respýblıkasynyń Prezıdenti jarııalaǵan «Halyq únine qulaq asatyn memleket» tujyrymdamasy aıasyndaǵy, atap aıtqanda, beıbit jınalystar men mıtıngilerdi uıymdastyrý, sondaı-aq partııalyq júıeni nyǵaıtý men parlamenttik oppozısııa salasynda júzege asatyn demokratııalyq ózgerister týraly habardar etildi.

EQYU PA tóraǵasy Georgıı Seretelı Qazaqstandaǵy daǵdarysqa qarsy qabyldanǵan sharalarǵa oń baǵa berdi, sondaı-aq koronavırýstyń órshýinen qatty zardap shekken Italııanyń Lombardııa aımaǵyna gýmanıtarlyq kómek kórsetkeni úshin alǵysyn bildirdi.

Assambleıa aǵymdaǵy jyldyń sońyna deıin halyqaralyq qoǵamdastyq aldynda turǵan qazirgi zamanǵy qaýip-qaterlerdiń ózekti máseleleri boıynsha birqatar uqsas vebınarlar ótkizýdi josparlap otyr, dep habarlady Parlament Senatynyń baspasóz qyzmeti.