"Sanıtarlyq-epıdemıologııalyq jaǵdaıdy taldaý jáne Dúnıejúzilik densaýlyq saqtaý uıymynyń usynystary boıynsha, elimizde arnaıy karantındik rejım 2020 jyldyń 1 shildesi saǵat 00:00-ge deıin uzartylady", - delingen jedel shtabtyń habarlamasynda.
Sondaı-aq habarlamada 14-15 maýsymda Baký, Gıandja, Lenkoran, Sýmgaıt syndy iri qalalarda jáne taǵy iri bes aýdanda qatań rejımdegi karantın bolatyny aıtylǵan. Osy ýaqyt aralyǵynda adamdarǵa úıden shyǵýǵa bolmaıdy.
Ázerbaıjanda memleketaralyq shekaralar 15 maýsymnan 1 shildege deıin jabyq bolady. Bul elde karantın rejımi 24 naýryzda engizilgen edi. Keıinirek epıdemıologııalyq jaǵdaıǵa baılanysty karantın 4 mamyrǵa deıin uzartyldy. Endi ol 1 maýsymnan 15 maýsymǵa deıin sozylyp otyr.
Sońǵy derekterge sáıkes, Ázerbaıjanda koronavırýs juqtyrǵandar sany 8191-ge jetti, 98 adam qaıtys boldy.
