«Tótenshe jaǵdaı kezinde polısııa qyzmetkerlerimen birge jaıaý patrýldeýge tartylǵan bolatynbyz, sol kezde belgisiz adamdy jarylǵysh zatymen ustadyq. Muny eren erlik dep eseptemeımiz, sebebi bul ár azamattyń paryzy. Biz árqashan óz Otanymyzdy qorǵaýǵa ázirmiz», - dedi kýrsanttar biraýyzdan, dep habarlady REjBÁII baspasóz qyzmeti.
Oqıǵa osy jyldyń sáýir aıynda oryn alǵan bolatyn. Kýrsanttar Ersultan Bolat pen Azat Smaıyl qala kóshelerin patrýldeý kezinde olarǵa bir jigit kelip belgisiz eki adamnyń biriniń qolynda granataǵa uqsas jarylǵysh zat baryn aıtqan. Kýrsanttar olardyń jeke bastaryn anyqtamaq bolǵan, alaıda olar sózge qulaq aspaı qashýǵa yńǵaılanǵan.
Nátıjesinde, buzaqylar ustalyp, polısııaǵa tapsyryldy, granata tárkilendi. Olardyń biri buryn urlyq pen qaraqshylyq úshin sottalǵan bolyp shyqty.
