Bul kúnderi ekeýiniń de dańqy dúrkirep tur. Horvatııadan AQSh-qa qonys aýdarǵan emıgranttar otbasynda dúnıege kelgen 37 jastaǵy Stıpe Mıochıch 22 ret oktagonǵa shyǵyp, 19 ret ústemdik tanytty. 15 qarsylasyn esinen tandyrdy. Qazirgi kezde ol UFC chempıony.
41 jastaǵy Danıel Korme erkin kúrestiń has sheberi. Kezinde ol Panamerıka oıyndaryn utyp, álem chempıonaty men álem kýbogy jolyndaǵy jarystarda júldegerler sanatyna qosyldy. 2004 jyly Afıny Olımpıadasynda tórtinshi orynǵa taban tiredi. Boz kilemmen qo aıtysqannan keıin AQSh-tyń Lýızıana shtatynyń týmasy aralas jekpe-jekke den qoıdy. Barlyǵy 25 kezdesý ótkizgen ol 22 ret jeńiske jetti. 15 básekeni merziminen buryn aıaqtady. Eki ret utylyp, taǵy bir saıystyń nátıjesi esepke alynbady.
Osyǵan deıin oktagonda qos sańlaqtyń joly eki márte qıysty. 2018 jyldyń 7 shildesinde Korme qarsylasyn birinshi raýndta-aq uryp jyqty. 2019 jyldyń 17 tamyzynda Mıochıch ese qaıtardy. Tórtinshi raýndta birneshe aýyr soqqy alǵan Korme esin jııa almady.
