Qazaqstandaǵy № 1 tehnıkalyq joǵary oqý orny – Sátbaev ýnıversıteti jyl saıyn álemdegi eń úzdik 600 ýnıversıtettiń qataryna qosylyp, osy reıtıngte óziniń laıyqty ornyn alyp keledi.
Bıylǵy jyly da eń úzdik tehnıkalyq ýnıversıtet ataǵyn dáleldep, óziniń dárejesin ótken jylmen salystyrǵanda 20 upaıǵa jaqsarta otyryp, ýnıversıtet 541–550-oryndarǵa ıe boldy (ıntervaldar boıynsha reıtıngter) jáne Qazaqstannyń reıtıngke qatysqan kópsalaly ýnıversıtetteri arasynda tórtinshi orynǵa kóterildi.
Mundaı tamasha nátıje Sátbaev ýnıversıtetiniń sońǵy birneshe jyl boıy atqaryp kele jatqan jemisti eńbegine baılanysty ekeni sózsiz.
Professorlar men jas oqytýshylardyń 70%-dan astamy ǵylymı zertteýlerge belsendi túrde qatysady. Ýnıversıtet "Web of Science Core" jınaǵynda "Ǵylymı jarııalanymdardyń sany jaǵynan kóshbasshy" nomınasııasy boıynsha "Ǵylym úzdigi" bedeldi marapatyn aldy. Bul syılyq bedeldi málimetter bazasynda jarııalanǵan ǵylymı maqalalardyń kólemdiligi úshin beriledi. Sátbaev ýnıversıtetiniń ǵalymdary óz jarııalanymdaryn Scopus málimetter bazasynda jáne Web of Science saıtynda pikir jazylatyn jýrnaldarda basyp shyǵardy – Scopus bazasynda 2000-nan astam, Web of Science saıtynda 1000-nan astam maqala jarııalady.
QS reıtıngi 2004 jyly brıtandyq Times Higher Education basylymymen birlesip ázirlengen jáne joǵary oqý oryndarynyń bilim men ǵylym salasyndaǵy jetistikteri týraly málimetter negizinde arnaıy ádisteme boıynsha esepteledi.
Bul álemdik mańyzy bar eń jaqsy ýnıversıtetterdi anyqtaý úshin brıtandyq Quacquarelli Symonds (QS) konsaltıngtik kompanııasy júrgizgen ǵalamdyq zertteýlerge negizdelgen.
QS World University Rankings joǵary obektıvti bolyp sanalady, óıtkeni barlyq málimetter men reıtıngtiń ádistemesi syrtqy aýdıt úshin qol jetimdi. Baǵalaý alty krıterıı boıynsha júrgiziledi: ýnıversıtettiń akademııalyq ortada jáne jumys berýshiler arasyndaǵy bedeli, ǵylymı jarııalanymdarǵa jasalǵan siltemeler, oqytýshylar men stýdentterdiń ara salmaǵy, jergilikti jáne sheteldik stýdentterdiń ara salmaǵy. Baǵalaýdyń jarty kórsetkishi ýnıversıtettiń bedelin baǵalaý kórsetkishine tıesili: 40% – ýnıversıtettiń akademııalyq ortadaǵy bedeli; 10% – jumys berýshilerdiń baǵasy.
2020 jyly zertteýdiń birinshi satysyna burynǵy jyldardaǵy sııaqty Massachýsets tehnologııalyq ınstıtýty shyqty. Kútkenimizdeı, reıtıngtiń joǵary satysyna qazaqstandyq joǵary oqý oryndarynyń ishinde kópsalaly ýnıversıtetter kóterildi. Sátbaev ýnıversıteti – jer sharyndaǵy eń úzdik joǵary oqý oryndardyń ǵalamdyq tizimine engen Qazaqstandaǵy alǵashqy tehnıkalyq joǵary oqý orny.
