Keshe kóldiń týrıstik maýsymǵa daıyndyǵyn tekserýge kelgen oblys ákimi Danıal Ahmetov Alakól 13 maýsymnan týrısterdi qabyldaı bastaıtynyn jetkizdi. Qabyldaǵanda ázirge demalýshylardyń tek 50 paıyzyn qabyldaýǵa ruqsat berilip otyr. Alaıda qazirgi ýaqytta kól basyndaǵy 175 demalys úıiniń kópshiligi daıyn emes. Búgin sanıtarlyq talaptardy tolyq oryndaǵan alǵashqy demalys úıi ("Parýs") ruqsat qaǵazyn aldy.
Alakólge asyqqan týrısterdi dál qazir "Koronavırýsqa testti qalaı tapsyramyz? Qaıda tapsyramyz?" degen saýaldardyń alańdatyp otyrǵany anyq. "Ár demalýshy Alakólge ekspress-testtiń nemese PSR-diń qorytyndysymen kelý kerek. Testti bir otbasydan bir adam ǵana tapsyrady" deıdi aımaq basshysy D.Ahmetov.
Ágárákı, demalýshylar test tapsyryp úlgermegen jaǵdaıda Alakóldiń basynda test tapsyrýǵa jaǵdaı jasalǵan. Eki mobıldik pýnkt daıyn tur. Budan bólek Qabanbaı aýylynda týrıster aýyryp qalǵan jaǵdaıda medısınalyq kómek kórsetetin 12 oryndyq provızor ashylǵan.
Shyǵys Qazaqstan oblysy
Úrjar aýdany
