Uzaqqa sozylǵan aýyr naýqastan qazaqstandyq belgili ekonomıst Qanat Berentaev qaıtys boldy. Bul týraly radiotochka.k saıty habarlady.
«Ústimizdegi jylǵy 6 qazan kúni uzaqqa sozylǵan aýyr naýqastan qoǵamdyq problemalardy taldaý ortalyǵy dırektorynyń orynbasary, Qazaqstannyń saıası ekonomıka salasyndaǵy belgili mamany qaıtys boldy», - delingen habarlamada.
Qanat Berentaev 1941 jyly Taldyqorǵan qalasynda týǵan. Gorkıı (qazirgi Tómengi Novgorod) memlekettik ýnıversıtetiniń mehanıka-matematıka fakýltetin bitirgen. 1972 jyldan 2000 jylǵa deıin KazKSR memlekettik josparlaý komıtetine qarasty ekonomıkalyq zertteýler ınstıtýtynyń ótpeli kezeńder problemasy bóliminde ekonomıst jáne bólim meńgerýshisi boldy. 2000 jyldan bastap Qazaqstan Respýblıkasy Prezıdenti janyndaǵy Qazaqstan strategııalyq zertteýler ınstıtýtynyń ekonomıkalyq qaýipsizdik bólimin basqardy.
Qazaqstan Úkimetiniń ekonomıkalyq konsýltanttar keńesiniń múshesi retinde birqatar ekonomıkalyq baǵdarlamalardy jasaýǵa qatysty.
