APL avtokınoteatrda kórsetiledi

BBC basylymynyń habarlaýynsha, jankúıerler stadıonǵa kire almaıtyn bol­ǵan soń aǵyl­shyn fýtbol kórer­men­derine 4TheFans kom­­panııasy Drive-In Football uıym­dastyryp, match­tar­dy London, Manchester, Lı­­ver­pýl jáne basqa da­­­ qa­la­larda avtomobıl kı­no­teatrynda kór­setýdi josparlaýda. Qazirshe Eýro­pada jan­kúıerlerge bir jerde toptasyp jınalýǵa bol­maı­dy. Dese de árkim oıyndy óz kóliginde otyryp, tamashalaı alady.

Pandemııaǵa baılanysty karantın ýaqytynda Eýropada kóńil kóteretin oryndar ýaqyt­sha jabylǵan soń, avtokınoteatrlar jańbyrdan keıingi sańyraýqulaqtaı qaptap ketti. Kólikten túspeı fılm ta­ma­shalaý múmkindigin beretin mun­daı avtokınoteatr ótken ǵa­syr­dyń 50-60-jyldary AQSh-ta óte tanymal bolǵan edi.

Avtokınoteatrda epıde­mııa­lyq qaýipsizdik ereje­lerin saq­taýǵa tolyq múmkindik bar. My­saly, kólikter bir-bi­ri­nen 2 metr qashyqtyqta orna­lasady, seans ýaqytynda syrtqa shyǵýǵa bolmaıdy, keı jerlerde kólikte adam sany eki-úsheýden aspaýy kerek, sýsyn men popkornǵa tapsyrys berýge bolady jáne ony maska taǵyp, qolǵap kıgen kýrer jetkizip beredi. Zamanaýı avtokınoteatrda kóliktegi radıo­qabyldaǵysh arqyly aýdıotranslıasııa jasalady.

Deutsche Welle málimetinshe, pandemııaǵa deıin Germanııada 20 avtokınoteatr bolsa, naý­ryz-sáýir aılarynda taǵy 30-y ashyl­ǵan. Fransııanyń Bordo qa­lasynda Drive-In Festival at­ty avtokınoteatr ashylyp, 24 mamyrdan beri eldiń birneshe qalasynda týrne uıymdastyrdy. Kınofestıval ótkizýmen tanymal bolǵan Kann qalasyndaǵy Palm Beach meıramhanasynyń av­toturaǵynda ýaqytsha avtokınoteatr ornalastyrylǵan. Maýsym aıynyń basynan bastap mundaı kınoteatr Fransııanyń basqa qalalarynda da ashyldy.

Aıta keteıik, 17 maýsym­da 28-týrdyń keıinge shegeril­gen kezdesýleri ótedi. Bul báse­­kelerde «Manchester Sı­tı»­ men «Arsenal» jáne «Aston Vılla» men «Sheffıld Iýnaıted» klýbtary oınaıdy. Al 19 maýsymda 30-týr match­tary uıymdastyrylady. Anglııa chempıonaty ýaqytsha toqtatylǵanǵa deıingi jaǵdaı boıynsha, qorjynynda 82 upaıy bar «Lıverpýl» jeke-dara kósh bastap tur. Ekinshi oryndaǵy «Manchester Sıtı» «Lıverpýlden» 25 upaı qa­lyp keledi. Qalalyqtar bas­ty qarsylasynan bir oıyn kem ótkizgen. Úshinshi orynda – «Lester» klýby ornalasqan. Qor­jynynda 53 upaı bar. Sondaı-aq «Chelsı» (48 upaı) men «Manchester Iýnaıted» (45 upaı) úzdik bestiktiń sanatynda. Al kósh sońyndaǵy «Norvıchtiń» nebári 21 upaıy bar.

Týrnır kestesine qarasańyz, bıyl «Lıverpýldiń» báı­geni shappaı alyp, chempıon atanatynyna esh kúmán keltirmeısiz.