Memleket basshysy Qasym-Jomart Toqaev jedelhatta Reseı Prezıdenti Vladımır Pýtındi jáne barsha reseılikterdi ulttyq merekeleri – Reseı kúnimen quttyqtady.
– Reseı Federasııasy óziniń jańa tarıhynda osy ataýly kúndi halyqaralyq turaqtylyq pen qaýipsizdikti qamtamasyz etýge, jańa syn-tegeýrinder men qaterlerge qarsy is-qımyldarǵa, álemdik qaýymdastyq músheleri arasyndaǵy ózara tıimdi jáne ádil yntymaqtastyqty damytýǵa úlken úles qosyp otyrǵan qýatty ári bedeldi derjava retinde atap ótedi. Sizdiń strategııalyq baǵytyńyzdy qatań ustana otyryp, Reseı memlekettik qurylymnyń san ǵasyrlyq dástúrin tabysty arttyryp, qoǵamdyq ómirdiń barlyq salasyn dáıekti túrde jańǵyrtyp keledi, – delingen jedelhatta.
Sonymen qatar Qazaqstan Prezıdenti reseılikterdiń patrıotızm men birlikke beıildigi, Otandaryna degen maqtanysh sezimi men jarqyn bolashaqqa degen nyq senimi Reseı memleketiniń turaqty damýyna jáne ál-aýqatynyń artýyna kepil bolatynyn atap ótti.
Qasym-Jomart Toqaev Vladımır Pýtınge Qazaqstan men Reseı arasyndaǵy dostyq baılanysty jáne odaqtastyqty odan ári nyǵaıtýǵa baǵyttalǵan jemisti eńbegi úshin rızashylyǵyn bildirdi.
