Bórli aýdanynyń ortalyǵyndaǵy Halyqtar dostyǵy kóshesiniń mańdaıyndaǵy jeti qabatty úı qabyrǵasyna salynǵan mýralda ánshi jáne onyń álemi – sheksiz dala men kók aspan, kıiz úı men bıik úı almasqan dala-qala ómiri strıt-art úlgisinde kórinis tapqan.
"Bul keremet óner týyndysynyń avtorlary – oraldyq Unicorns dep atalatyn sýretshiler komandasy. Jalpy bıylǵy mereıtoılarǵa oraı Aqsaı qalasyndaǵy kóp qabatty úılerge tanymal tulǵalarymyzdyń sýretin – mýral saldyrý ıdeıasyn jyl basynda aýdan ákimdigi kótergen bolatyn. Bul bastamany jergilikti KIOS Kompanııasy qoldady. Sóıtip Jeńistiń 75 jyldyǵy qarsańynda 9 qabatty úı qabyrǵasyna Baýyrjan Momyshuly atamyzdyń sýreti salynsa, keshe ǵana 7 qabatty úı qabyrǵasyna Batyrhan Shúkenovtiń sýreti salynyp, aıaqtaldy. Buǵan bıýdjet qarjysy jumsalǵan joq", deıdi Bórli aýdany ákiminiń orynbasary Alpamys Kóshkinbaev.
Qalanyń kórkin kirgizip, alystan kózge shalynatyn mundaı mýraldy salý úshin ádette 2 aptadaı ýaqyt ketedi eken. Sońǵy kúnderi Batys Qazaqstan oblysynda jıi jaýǵan jańbyr men kúshti jeldiń kedergisi az bolmaǵan. Degenmen, sýretshiler óz jumysyn sátti aıaqtady. Mýraldyń sýretin jeliden kórgen qazaqstandyqtar jaqsy pikir bildirýde.
Alpamys Jańabaıulynyń aıtýynsha, bolashaqta Aqsaı qalasynda bıyl 175 jyldyǵy atalyp jatqan aqyn Abaı Qunanbaıulynyń da mýral-sýretin salý josparlanǵan.
Batys Qazaqstan
