Maýsymnyń alǵashqy aptasynda Jylyoı aýdanynyń 30 jastaǵy turǵyny Jem ózenine batyp ketken edi. Al keshe 11 jasar bala Jaıyq ózeninde jantásilim etti. Endi osyndaı oqys oqıǵa Qyzylqoǵa aýdanynda tirkelip otyr.
Tótenshe jaǵdaılar departamentiniń málimetine súıensek, 48 jastaǵy er adam Oıyl ózenine sýǵa túsken. Alaıda, ózenniń arnaıy jabdyqtalmaǵan tusynda shomylyp júrip, sýdan keri shyqpaı qalǵan. Ony izdeý 11 maýsymda keshki saǵat 18:07-de bastalypty.
"Izdestirýge tótenshe jaǵdaı qyzmetiniń 5 qyzmetkeri, 1 tehnıka men jergilikti turǵyndar jumyldyryldy. Keshe keshki saǵat 19.30-da sýǵa batyp ketken adamnyń denesi tabylyp, jaǵaǵa shyǵaryldy" -dep habarlady departamenttiń baspasóz qyzmeti.
